Jefgeni Woetsjetitsj

in Wikipedia, die vrye ensiklopedie
Spring na: navigasie, soek
Jefgeni Woetsjetitsj (tweede van links) tydens die inwyding van die Sowjet-monument in die Treptower Park te Berlyn, wat deur hom ontwerp is, op 8 Mei 1949

Jefgeni Wiktorowitsj Woetsjetitsj (Russies Евгений Викторович Вучетич; wetenskaplike transliterasie Evgenij Viktorovič Vučetič; * 28 Desember 1908 in Jekaterinoslaf, Russiese Ryk, tans Oekraïne; † 12 April 1974 in Moskou) was 'n bekende Sowjet-beeldhouer en kunstenaar. In 1967 is hy as "Held van die sosialistiese arbeid" vereer nadat in 1959 reeds die status van "Volkskunstenaar van die Unie van Sosialistiese Sowjet-republieke" aan hom toegeken is. Woetsjetitsj het veral met sy groot heroïese monumente, wat in 'n allegoriese styl ontwerp is, bekendheid verwerf.

Woetsjetisj was van Montenegrynse en (van moederskant) Franse afkoms en is in Jekaterinoslaf, die huidige Dnipropetrofsk in Oekraïne gebore. Hy was een van die leidende verteenwoordigers van die Sosialistiese realisme en is met talle toekennings bekroon, waaronder die Lenin-prys (1970), die Stalin-prys (vyf keer), die Orde van Lenin (twee keer) en die Orde van die Groot Vaderlandse Oorlog (tweede klas).

Werke[wysig]

  • Sowjet-monument in die Treptower Park te Berlyn (1949)
  • Swaarde tot ploegskare voor die Verenigde Nasies se hoofkwartier in New York (1957)
  • Skulptuur van Feliks Dserzjinski op die Loebjanka-plein in Moskou (1958; in 1991 tydens die Augustus-staatsgreep gesloop)
  • Moeder Tuisland roep op die Mamajef-heuwel in die huidige Wolgograd (1963–67)
  • Grootste Lenin-standbeeld ter wêreld by die Wolga-Don-kanaal suid van die huidige Wolgograd (1970–73)
  • Moeder Tuisland in Kiëf (begin in 1972, geopen in 1981)

Galery[wysig]

Eksterne skakels[wysig]

Commons
Wikimedia Commons het meer media verwant aan: