Kalevala
Die Kalevala (Fins: Kalevala) is 'n 19de-eeuse werk van epiese gedigte wat deur Elias Lönnrot saamgestel is uit Kareliese en Finse orale folklore en mitologie.[1] Dit vertel die verhaal van die skepping van die aarde, beskryf twispunte en vergeldingsreise tussen die volke van die land Kalevala, wat Väinölä genoem is, en die land Pohjola sowel as hulle onderskeie hoofkarakters en teenstanders en van die bou en diefstal van die epiese mitiese rykdommakende masjien die Sampo.[2]
Die Kalevala word beskou as die nasionale epos van Karelië en Finland,[3] en is een van die belangrikste werke van die Finse letterkunde, saam met J.L. Runeberg se Die verhale van vaandrig Stål en Aleksis Kivi se Die sewe broers.[4][5][6]
Die epiese gedig was instrumenteel in die ontwikkeling van die Finse nasionale identiteit en die verskerping in die Finse taalstryd wat eindelik gelei het tot die Finse onafhanklikheid van Rusland in 1917.[7][8] Die werk is ook intenasionaal bekend en het byvoorbeeld J.R.R. Tolkien se Middelaardse mitologie beïnvloed.[9][10]
Die eerste uitgawe van die Kalevala, wat die Ou Kalevala genoem word, is in 1835 gepubliseer. Dit het 12 078 verse bevat. Die weergawe wat vandag die bekendste is, is die eerste keer in 1849 gepubliseer en bestaan uit 22 795 verse, wat in 50 volksverhale ingedeel word.[11] 'n Verkorte weergawe, wat al 50 verhale maar net 9 732 verse bevat, is in 1862 gepubliseer.[12]
Daar bestaan ook 'n ander versameling van gedigte deur Lönnrot, die Kanteletar, uit 1840 wat algemeen beskou word as 'n "sustersversameling" van die Kalevala.[13]
Verwysings[wysig | wysig bron]
- ↑ Asplund, Anneli; Sirkka-Liisa Mettom (Oktober 2000). "Kalevala: the Finnish national epic". Geargiveer vanaf die oorspronklike op 23 November 2010. Besoek op 15 Augustus 2010.
- ↑ Kalevala, the national epic of Finland – Finnwards
- ↑ Tolkien, J.R.R. (2015). "On 'The Kalevala' or Land of Heroes". In Flieger, Verlyn (red.). The Story of Kullervo (1st US uitg.). Boston: Houghton Mifflin Harcourt. p. 70. ISBN 978-0-544-70626-2.
- ↑ Kansalliskirjailija on kansakunnan peili (in Finnish)
- ↑ Tosi ja taru Vänrikki Stoolin tarinoissa (in Fins)
- ↑ Suomalaiset klassikkokirjat – Oletko lukenut näitä 10 kirjaa? (in Fins)
- ↑ Vento, Urpo. "The Role of The Kalevala" (PDF). Geargiveer vanaf die oorspronklike (PDF) op 16 Julie 2011. Besoek op 17 Augustus 2010.
- ↑ William A. Wilson (1975) "The Kalevala and Finnish Politics" Journal of the Folklore Institute 12(2/3): pp. 131–55
- ↑ Carpenter, Humphrey, red. (1981). The Letters of J. R. R. Tolkien. Houghton Mifflin. ISBN 0-395-31555-7.
- ↑ Sander, Hannah (27 Augustus 2015). "Kullervo: Tolkien's fascination with Finland". BBC News. Besoek op 16 September 2022.
- ↑ Kalevala Society. "Kalevala, the national epic". Geargiveer vanaf die oorspronklike op 23 Maart 2010. Besoek op 15 Augustus 2010.
- ↑ "The Project Gutenberg EBook of Kalevala (1862)". www.gutenberg.org. Besoek op 6 Desember 2020.
- ↑ Bosley, Keith (Maart 2000). "Finland's Other Epic: The Kanteletar". thisisFINLAND. Besoek op 5 November 2021.
Skakels[wysig | wysig bron]
Wikimedia Commons het meer media in die kategorie Kalevala.
Hierdie artikel is in sy geheel of gedeeltelik uit die Engelse Wikipedia vertaal.
