Karoo Nasionale Park
vanuit Wikipedia, die vrye ensiklopedie.
Die Karoo Nasionale Park is naby die dorp Beaufort-Wes in die Wes-Kaap Provinsie geleë. Dié park is in 1979 gestig met die doel om 'n gedeelte van die Karoo te bewaar. Die park is bekend vir verskeie fauna en flora, insluitend die Witkruisarend en verskillende soorte skilpaaie. Verskeie soorte soogdiere word ook in die park aangehou.
Die Karoo Nasionale Park is ook bekend vir die Kwagga Projek wat deur Reinhold Rau bestuur word. Hier word gepoog om die uitgestorwe Kwagga weer te laat "herleef" deur Bontkwaggas wat 'n genetiese afwyking het en baie na die Kwagga lyk hier te vestig. Sodoende word 'n teelprojek aan die gang gehou (in die tweede generasie) en Rau reken dat die vierde generasie Bontkwaggas baie soos die Kwagga sal lyk.
