Kitwe

in Wikipedia, die vrye ensiklopedie
Spring na: navigasie, soek
Kitwe
Kitwe in die verte.
Kitwe in die verte.
Ligging van Kitwe op 'n kaart (Zambië)
Kitwe
Kitwe
Koördinate: 12°49′0″S 28°12′0″O
Land Vlag van Zambië Zambië
Provinsie Koperstreek
Bevolking (2007)
 - Stad 547 700
Tydsone SAST (UTC+2)
Die belangrike Nkana-oopgroefmyn in Kitwe.

Kitwe is met 'n bevolking van meer as 415 720 (2007) die grootste stad in Zambië se Koperstreek-provinsie en naas Lusaka die grootste in die land. Die stedelike gebied sluit die Nkana-myn in en dit is die handel- en nywerheidsentrum van die provinsie, wat stede en dorpe soos Ndola (58 km hiervandaan), Luanshya, Chingola, Mufulira en Kalulushi insluit.

Die stad het in 1953 munisipale status verwerf. In 1959 was die inwonertal 46 070, waarvan 6 000 blankes was en in 1965 sowat 115 000, waarvan 12 000 blankes was. Padlangs is die stad 358 km van Lusaka af geleë, 830 km vanaf Livingstone en 927 km vanaf Chipata.

Skaars 30 jaar ná sy ontstaan, staan president Kenneth Kaunda op 18 Mei 1966 stadstatus aan Kitwe toe[1].

Afrikaanse gemeenskap[wysig]

Daar was tot en met onafhanklikwording 'n redelike groot Afrikaanse gemeenskap hier. Die NG gemeente Nkana is in 1933 van Lusaka afgestig, waarna vier gemeentes uit Nkana ontstaan het. Met die wegtrek van Afrikaners ná onafhanklikwording, het al vier weer deel van Nkana geword, waarna Nkana uiteindelik by Lusaka, die teenswoordige Dutch Reformed Church in Zambia, ingelyf is. In 2008 stig die Dutch Reformed Church in Zambia Nkana opnuut af van die Dutch Reformed Church in Zambia, wat toe "Lusaka" by sy naam voeg.

Geriewe[wysig]

'n Hospitaal van £1 000 000 vir alle rasse is op 11 Oktober 1958 deur die goewerneur-generaal van die Sentraal-Afrikaanse Federasie (Rhodesië en Njassaland) geopen. Die stad is ook die tuiste van die Koperstreek-universiteit (Copperbelt University), voorheen 'n afdeling van die Universiteit van Zambië (University of Zambia), wat in 1987 onafhanklike universiteitstatus verkry het. Die universiteit bied kursusse aan in sy skole vir sake, beboude omgewing, natuurlike hulpbronne en tegnologie. Die onderrigmedium is Engels.

Die stad lê net 13° suid van die Ewenaar, maar danksy sy ligging van sowat 1 400 meter bo seespieël, is die klimaat aangenaam en gesond.

Eksterne skakels[wysig]

Bronne[wysig]

Verwysing[wysig]