Lusaka
vanuit Wikipedia, die vrye ensiklopedie.
Lusaka is die hoofstad van Zambië sedert 24 Oktober 1964 en sedert 1935 van Noord-Rhodesië toe dit Livingstone vervang het.
Die stad het 'n betreklike koel klimaat weens sy hoogte bo seespieël. Dit is die middelpunt van die noord-suid-spoorlyn en oos-wes-hoofpad. Lusaka is gestig in 1905 om die loodmyn op Kabwe (voorheen Broken Hill) te bedien. Die vernaamste geboue is die Nasionale Vergadering, die president se Staatshuis, 'n Anglikaanse katedraal (1957) en die nasionale argief. Die Universiteit van Zambië (1965) is hier gesetel.
Inhoud |
[wysig] Ekonomie
Lusaka is die sentrum van 'n ryk landbougebied vir katoen, mielies, tabak en suiwelprodukte. Van die nywerhede sluit 'n motoraanleg en tekstielfabriek in. Dit is ook die land se middelpunt van administrasie en die bankwese. Ander vervaardigingsbedrywe is onder meer sement, chemikalieë, insekdoders, klerasie, metaal en plastiekprodukte.
[wysig] Bevolking
Die bevolking is tans meer as 2 500 000.
[wysig] NG gemeente
Die vroeëre NG gemeente Lusaka (tans die Dutch Reformed Church in Zambia) was aanvanklik deel van die gemeente Bulawayo, wat die hele destydse kolonie Noord-Rhodesië beslaan het, asook die lidmate wat in die Belgiese Kongo gewoon het. Lusaka is in 1919 afgestig en op die eerste kerkraadsvergadering op 30 Augustus 1919 besluit die kerkraad die gemeente sal 'n hulpbehoewende gemeente wees. Op dieselfde vergadering word ds. P. de W. Eksteen as eerste leraar beroep en hy aanvaar die beroep. Die hoeksteenlegging van die kerkgebou het plaas gevind op 11 September 1920 en die inwyding op 7 Mei 1921. Die argitek, W. Louw, het die plan gratis voorsien en die olielampe vir die kerk is geskenk deur die NG gemeente Mosselbaai. Die pastorie is op 15 November 1925 in gebruik geneem. In 1973 was daar net 164 belydende (volwasse) lidmate hier, maar in 2008 staan die getal reeds op 233, vergeleke met 160 in 2005. Die gemeente, wat uit 'n noordelike en suidelike gedeelte bestaan, word tans (2008) deur een leraar bedien in Lusaka en 'n pastorale hulp van die Nederduitsch Hervormde Kerk in Kitwe.
[wysig] Eksterne skakels
- Lusaka se stadsraad
- Zambia Tourism-blad oor Lusaka
- Kaart van Lusaka
- Die veldtog Visit Zambia
- Lusaka Times
- Zambia Online
- Opvoedingsinstellings in Lusaka
Abuja | Accra | Addis Abeba | Algiers | Antananarivo | Asmara | Bamako | Bangui | Banjul | Bissau | Brazzaville | Bujumbura | Conakry | Dakar | Djiboeti | Dodoma | Freetown | Gaborone | Harare | Jamestown | Kaïro | Kampala | Khartoem | Kigali | Kinshasa | Laayoune | Libreville | Lilongwe | Lomé | Luanda | Lusaka | Malabo | Mamoudzou | Maputo | Maseru | Mbabane | Mogadisjoe | Monrovia | Moroni | N'Djamena | Nairobi | Niamey | Nouakchott | Ouagadougou | Port Louis | Porto-Novo | Praia | Pretoria | Rabat | São Tomé | Tripoli | Tunis | Victoria | Windhoek | Yamoussoukro | Yaoundé |
Kaapstad en Bloemfontein is naas Pretoria ook hoofstede van Suid-Afrika.
Hoofstede van: Asië Europa Noord-Amerika Oseanië Suid-Amerika
