Ludwig Müller

in Wikipedia, die vrye ensiklopedie
Spring na: navigasie, soek
Ludwig Müller
’n Beeld van die betrokke persoonlikheid.
Gebore 23 Junie 1883
Gütersloh, Duitse Keiserryk
Oorlede 31 Julie 1945
Berlyn, Duitsland
Nasionaliteit Vlag van Nazi-Duitsland Nazi-Duitsland
Ouers Magnus von Braun (vader)
Emmy von Quistorp (moeder)
Beroep Biskop van die Rykskerk
Ideoloog van die Nazi-party
Ander poste, ampte Eerste "Biskop van die Ryk"
Militêre kapelaan

Johann Heinrich Ludwig Müller (* 23 Junie 1883 in Gütersloh; † 31 Julie 1945 in Berlyn, vermoedelik selfmoord) het in die tydperk van die Nasionaal-Sosialisme as "Ryksbiskop" (Reichsbischof) van die Duitse Evangeliese Kerk (Deutsche Evangelische Kirche, DEK) gefungeer en was een van die leiers van die sogenaamde "Duitse Christene" (Deutsche Christen)-beweging wat 'n sintese tussen die Christendom en die Nasionaal-Sosialistiese ideologie gepropageer het.

Biografie[wysig]

Ludwig Müller het ná sy skoolloopbaan vanaf 1908 as pastoor in Rödinghausen (Wesfale) en vanaf 1914 as pastoor in die Duitse Vloot gedien. In die tydperk tussen 1926 en 1933 was hy militêre pastoor in Königsberg (die huidige Kaliningrad).

Müller het reeds in 1931 by die Nasionaal-Sosialistiese Duitse Werkersparty NSdAP aangesluit. Hy was 'n medestigter van die Duitse Christene-beweging in Oos-Pruise en het as sy gewestelike leier gedien. In April 1933 is hy deur Adolf Hitler as sy vertrouensman vir kerksake benoem. Vanaf 4 Augustus 1933 was Müller die provinsiale biskop van die Kerk van die Oud-Pruisiese Unie (Kirche der Altpreußischen Union) en het op 27 September 1933 Friedrich von Bodelschwingh as Ryksbiskop opgevolg. Hermann Göring het Müller daarnaas as Staatsraad benoem. Desondanks het Müller reeds in 1935 al sy bevoegdhede as Ryksbiskop kwytgeraak.

Müller was 'n onvoorwaardelike aanhanger van Hitler en sy ideologie. Met sy verbintenis met die NSdAP het Müller die indruk geskep dat die Christelike geloof met die Nasionaal-Sosialisme versoenbaar sou wees. Müller het sodoende die Barmer Theolgische Erklärung (Barmense Teologiese Verklaring) uit die jaar 1934 verwerp waarmee Evangelies-Lutherse teoloë die Bybelse leerstellings bevestig het wat slegs God as die Here erken. Die rasse-ideologie van die Nasionaal-Sosialistiese beweging was eweneens nie versoenbaar met die uitverkiesing van Israel as Godsvolk nie.

Bronne[wysig]

  • "Ludwig Müller". In: Ernst Klee: Das Personenlexikon zum Dritten Reich. 2de oplaag. Frankfurt: S. Fischer 2003, bl. 422. ISBN 3-10-039309-0
  • Niesel, Wilhelm: Kirche unter dem Wort. Der Kampf der Bekennenden Kirche der altpreußischen Union 1933 – 1945, Göttingen 1978