Adolf Hitler

in Wikipedia, die vrye ensiklopedie
Spring na: navigasie, soek
Adolf Hitler
Adolf Hitler

Adolf Hitler in 1937


Führer van Nazi-Duitsland
Ampstermyn
2 Augustus 1934 – 30 April 1945
Vise Rudolf Hess (1933–1941)
Posisie vakant
Voorafgegaan deur Paul von Hindenburg (as President)
Opgevolg deur Karl Dönitz (as President)

Kanselier van Duitsland
Ampstermyn
30 Januarie 1933 – 30 April 1945
Vise Franz von Papen (1933–1934)
Posisie vakant
President Paul von Hindenburg (tot 1934)
Voorafgegaan deur Kurt von Schleicher
Opgevolg deur Joseph Goebbels

Reichsstatthalter van Pruise
Ampstermyn
30 Januarie 1933 – 30 April 1945
Eerste Minister Franz von Papen
Hermann Göring
Voorafgegaan deur Amp geskep
Opgevolg deur Amp afgeskaf

Persoonlike besonderhede
Gebore 20 April 1889
Braunau am Inn, Oostenryk-Hongarye
Sterfte 30 April 1945
Berlyn, Nazi-Duitsland
Politieke party Nasionaal-Sosialistiese Duitse Arbeidersparty
Eggenoot/eggenote Eva Braun (29–30 April 1945)
Handtekening Hitler Signature2.svg
Lojaliteit Vlag van Duitse Keiserryk Duitse Keiserryk
Diens/Tak Vlag van Duitse Keiserryk Reichsheer
Jare in diens 1914–1918
Rang Gefreiter
Eenheid 16de Beierse Reserwe-Regiment
Oorloë/Veldslae Eerste Wêreldoorlog
Toekennings Yster Kruis (1de en 2de klas)

Adolf Hitler (20 April 1889 in Braunau am Inn30 April 1945 in Berlyn) was 'n Duitse politikus en diktator. Hitler was die leier van die Nasionaal-Sosialistiese Duitse Werkersparty, rykskanselier van die Duitse Ryk en was die regeringshoof asook staatshoof.

Lewe

Benito Mussolini (links) en Adolf Hitler (regs)
Troepe masjeer verby Hitler

Hitler is gebore in Braunau am Inn op 20 April 1889. Hy is die seun van Alois Hitler Junior. Hy was baie skugter en kon daardeur nie goed presteer op die middelbare skool nie. Op sy 16de lewensjaar verlaat hy die skool sonder diploma.

In die Eerste Wêreldoorlog was hy 'n Oostenrykse soldaat in die Beierse (Duitse) krygsmag. In 1925 het Hitler vrywillig afgesien van sy Oostenrykse burgerskap. In 1932 danksy die hulp van Rudolf Hess is Duitse burgerskap aan hom toegestaan.

Op 30 Januarie 1933 is hy ingesweer as kanselier van Duitsland en in 1934 het hy ook die titel Führer (leier) van Nazi-Duitsland bygekry.

Hy het politieke voordeel getrek uit die ekonomiese krisis wat Duitsland na 1919 se Versailles-ooreenkoms deurgemaak het. Sy bedeling was verantwoordelik vir die dood van 'n gerame 20 miljoen mense en ontelbaar baie se verskuiwing. Hitler, 'n begaafde spreker, word gesien as een van die invloedrykste en gevaarlikste leiers van die 20ste eeu.

Hitler se pogings tot meer grondgebied, wat begin het met die inname van Pole in 1939, was een van die aanleidende faktore van die Tweede Wêreldoorlog. Die rassebeleid van Hitler-Duitsland, wat miljoene - veral Jode - se dood veroorsaak het, word ook aan hom toegeskryf.

Dood

Hitler en sy vrou Eva Braun (met wie hy die vorige dag getroud is) het op 30 April 1945 selfmoord gepleeg in die bomskuiling geleë onder die Duitse kanseliergebou. Hitler het versoek dat die oorblywende bomskuilers sy en Eva se liggame neem en buite in die kanseliertuin verbrand. Hitler wou nie hê sy liggaam moes soos 'n tentoonstelling vertoon word nie. Sonder 'n liggaam om uit te ken het gerugte vinnig die rondte gedoen dat Hitler ontsnap het. Van so ver af as Suid-Amerika het mense hom "gesien". Eers in 2000 het Rusland onthul dat hulle 'n fragment van sy skedel gebêre het.

Sien ook

Eksterne skakels