27 September

27 September is die 270ste dag van die jaar in die Gregoriaanse kalender (271ste in skrikkeljare). Daar volg nog 95 dae.

Inhoud

1540 - Pous Paulus III publiseer die bul "Regimini militantis ecclesiae" waarin die orde van die Jesuïte gestig word.
1666 - Zacharias Wagenaer word deur Cornelis van Quaelbergen opgevolg as kommandeur van die Kaap van Goeie Hoop.
1819 - Pous Pius VII stel Carlos da Cunha e Menezes, patriarg van Lissabon, Portugal en Cesare Guerrieri Gonzaga, tesourier generaal van die Apostoliese Kamer aan as kardinale.
1824 - Pous Leo XII stel drie nuwe kardinale aan, waaronder Karl Kajetan Gaisruck, aartsbiskop van Milaan.
1825 - Locomotion No. 1 trek die eerste trein op die openingsdag van die Stockton and Darlington Railway, die eerste spoorweg om stoomlokomotiewe te gebruik en passasier te vervoer.

Albert Einstein

1905 - Albert Einstein publiseer 'n artikel oor massa-energie-ekwivalensie, wat E=mc² demonstreer.
1939 - Pole gee oor aan Nazi-Duitsland en die Sowjetunie tydens die Tweede Wêreldoorlog.

Richard M Stallman

1983 - Richard Stallman kondig die GNU-projek aan om 'n vry Unix-agtige bedryfstelsel te ontwikkel.

GNU-embleem
1988 – Onder leiding van Aung San Suu Kyi, word die National League for Democracy in Birma gestig.
1992 - In reaksie op die aankondiging van 'n ooreenkoms tussen President FW de Klerk en Nelson Mandela, kondig Mangosuthu Buthelezi, leier van die Inkatha Vryheidsparty (IVP) aan dat sy party die grondwetlike samesperkings in Suid-Afrika sou boikot.
1996 - Die Taliban verdryf President Burhanuddin Rabbani van Afghanistan uit Kabul, stel voormalige President Mohammad Najibullah tereg, en vestig die Islamietiese Emiraat van Afghanistan.