Makriel
| Makriel | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) |
||||||||||||||||||||||||||||
| Wetenskaplike klassifikasie | ||||||||||||||||||||||||||||
|
||||||||||||||||||||||||||||
| Binomiale naam | ||||||||||||||||||||||||||||
| Scomber japonicus Houttuyn, 1782 |
Die Makriel (Scomber japonicus) is 'n vis wat aan die hele kus van Suid-Afrika voorkom. In Engels staan dit bekend as die Mackerel. Die vis is ook bekend as die Pasifiese makriel of Blou makriel en is na verwant aan die Atlantiese makriel.
Inhoud |
Voorkoms[wysig]
Die vis het 'n gestroomlynde en ronde lyf wat dit amper soos 'n tuna laat lyk. Die stert is dun by die basis en maak 'n diep vurk. Die rugkant van die vis is 'n helder silwerig met donkergroen, golwende lyne aan die kante terwyl die pens silwerwit is. Op die pens is ook klein swart kolletjies. Die vinne is bleekblou. Die visse weeg selde meer as 'n 1 kg terwyl enkele visse van 3 kg al gevang is.
Habitat en gewoontes[wysig]
Die vis kom in diep waters (300 m is nie ongewoon nie) tot op die rand van die kontitentale plato voor. Makriel is 'n skool vis wat leef op plankton, kril, klein vissies en klein pylinkvissies.
Die makriel is 'n gewilde kommersiële vis.
Sien ook[wysig]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron[wysig]
- Top Angling Fishes of Southern Africa. Hennie Crous. 2010. ISBN 978-1-77007-403-3
- Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6.
