Nasionale Selfmoord van Xhosas

in Wikipedia, die vrye ensiklopedie
Spring na: navigasie, soek
Nongquase (regs) met mede profetes, Nonkosi.

Die Nasionale Selfmoord van Xhosas het plaasgevind in 1857 in die Transkei. Nongquase, 'n veertienjarige profetes, het voorspel dat die dag sou aanbreek dat die Britte in die see gedryf sou word.

Nongquase[wysig]

Sy was gebore in die Kentani-distrik en is deur haar toordokteroom, Mhlakaza, grootgemaak. Sy het beweer dat sy die geeste van die voorvaders in 'n poel in die Gxararivier gesien het. Hulle boodskap was dat al die Xhosa hulle beeste moes doodmaak en hul oeste moes vernietig. Op 'n sekere dag sou die son bloedrooi opkom, die beeste en oeste sou wonderbaarlik herstel word en die voorvaders sou saam met al die krygers uit hulle grafte opstaan en die Britte die see indryf.

Hongersnood[wysig]

Ten spyte van pogings van die Britse owerhede en Sendelinge het die Xhosa tussen 200 000 en 300 000 stuks vee doodgemaak en byna al hul oeste vernietig. Die groot dag was 18 Februarie 1857. Hierdie dag het egter soos enige ander dag gekom en gegaan. Die gevolg was dat duisende Xhosa's van die honger gesterf het oor die volgende paar maande. Die ramp het die militêre mag van die Xhosa gebreek.

Nongquase is deur die Britte gevange geneem. Sy het 'n tydperk op Robbeneiland deurgebring en was later na die plaas Glen Shaw (distrik Alexandria) gebring waar sy die res van haar lewe deurgebring het. Sy is dood in 1898 en op die plaas begrawe.

Bronne[wysig]