Profesie

Profetiese inspirasie, deur Benjamin West.

Profesie is die verkondiging van godsdienstige voorspellings deur persone wat hulself as die gestuurdes van 'n godheid beskou. Profete (afgelei van die Oud-Griekse pro-phetes "voorspreker", "afgesant") legitimeer hul verkondiging - in teenstelling met rasioneel gebaseerde voorspellings en waarseggings - met 'n spesifieke opdrag wat 'n godheid aan hulle gegee het. Hulle maak daarop aanspraak dat hulle hierdie opdrag deur intuïsie of 'n visie ontvang het om dit in die openbaar te verkondig.

Profesie is 'n bekende en ingewikkelde fenomeen wat hoofsaaklik uit die Ou Nabye Ooste oorgelewer is en waardeur veral die Abrahamitiese monoteïstiese godsdienste gekenmerk word.. Profesieë is aanvanklik mondeling bekend gemaak, maar later in baie gevalle opgeteken om aan latere geslagte oorgedra te word. Hulle fokus nie alleenlik op toekomstige gebeure nie, maar oefen dikwels ook kritiek aan die verlede of teenswoordige tyd van hul adressate. Na enkele voorspellings van 'n profeet word as profesie, voorspelling of belofte verwys.

Profete in verskillende godsdienste

Die profete Abraham, Moses, Jesus en Mohammed, Middeleeuse Persiese manuskrip.

• Die Profeet van die Abrahamitiese religie is Abraham.
• Die Profeet van die Judaïsme is Moses.
• Die Profeet van die Christendom is Jesus.
• Die Profeet van die Islam is Mohammed.
• Die Profeet van die Babisme is Bab.
• Die Profeet van die Bahá'í is Baha'u'llah.

Die term word daarnaas soms ook vir die stigters van ander religies gebruik:

• Die politeïstiese Hindoeïsme (Krisjna).
• Die ateïtiese Boeddhisme (Boeddha).
• Die monoteïstiese Sikhisme (Nanak Dev).

Bronne

• Matthias Riedl, Tilo Schabert: Propheten und Prophezeiungen. Königshausen & Neumann, 1. Auflage 2005, ISBN 382602253X (Duits)
• Walter A. Koch: Prophetie und astrologische Prognose. Karl Rohm, Lorch 1998, ISBN 3876832152 (Duits)