Robbeneiland

in Wikipedia, die vrye ensiklopedie
Robbeneiland
Dorpie op Robbeneiland
Dorpie op Robbeneiland
Robbeneiland is in Wes-Kaap
Robbeneiland
Robbeneiland
 Robbeneiland se ligging in Wes-Kaap
Koördinate: 33°48′24″S 18°21′58″O / 33.80667°S 18.36611°O / -33.80667; 18.36611Koördinate: 33°48′24″S 18°21′58″O / 33.80667°S 18.36611°O / -33.80667; 18.36611
LandVlag van Suid-Afrika Suid-Afrika
ProvinsieWes-Kaap
MunisipaliteitStad Kaapstad
Oppervlak
 • Totaal5,18 km2 (2,00 vk. myl)
Hoogte
30 m (100 ft)
Bevolking
 (2011)[1]
 • Totaal116
 • Digtheid22/km2 (60/vk. myl)
Rasverdeling (2011)
 • Wit mense13,8%
 • Bruin mense23,3%
 • Swart mense60,3%
 • Ander2,6%
Taal (2011)
 • Xhosa 37,9%
 • Afrikaans 35,3%
 • Zoeloe 15,5%
 • Engels 7,8%
 • Ander 3,4%
Poskode (strate)
7400
Robbeneiland soos vanaf die Tafelberg gesien.
Robbeneiland se gevangenisgeboue, met Tafelberg in die agtergrond.
Kaart van Robbeneiland.

Robbeneiland, voorheen Eyland Cornelia,[2] is 'n eiland in Tafelbaai, 12 kilometer vanaf die kus van Kaapstad, Suid-Afrika. Die eiland het 'n tipiese Karooklimaat ten spyte daarvan dat dit so naby aan Kaapstad, wat 'n Mediterreense klimaat het, geleë is. Die koue Benguelastroom is daarvoor verantwoordelik.

Dit is duisende jare gelede die eerste keer bewoon toe die waterkanaal wat dit tans van die land skei, bo seevlak was. Van die einde van die 17de eeu af is Robbeneiland gebruik om sekere individue af te sonder, grootliks as 'n tronk, en onder sy eerste permanente inwoners was politieke leiers van verskeie Nederlandse kolonies, nie net van Suid-Afrika nie, maar ook uit Indonesië. Van 1836 tot 1931 is dit as 'n melaatsekolonie gebruik en in die 20ste eeu het dit bekend geword as 'n tronk vir politieke gevangenes, onder wie die bekendste Nelson Mandela, Walter Sisulu, Govan Mbeki, Robert Sobukwe, Kgalema Motlanthe en Jacob Zuma was.

Die hele eiland word deur die staat besit, met die uitsondering van die kerk.

Vandag is die eiland 'n gewilde toeristebestemming en is in 1999 deur Unesco tot wêrelderfenisgebied verklaar. Dit kan per veerboot van die Victoria & Alfred Waterfront af bereik word, en is die hele jaar lank oop, afhangende van die weer.

Kulturele Erfenis[wysig | wysig bron]

Robbeneiland is in 1997 deur die Minister van Kuns, Kultuur, Wetenskap en Tegnologie verklaar as 'n nasionale monument en word vandag beskerm as 'n nasionale erfenisterrein in gevolge van die Wet op Nasionale Erfenishulpbronne (25/1999).[3]

Robbeneiland, soos oor die rug van Seinheuwel in Kaapstad gesien.

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Hoofplek Robbeneiland". Sensus 2011.
  2. Hondius, J. 1652. Klare Besgryving van Cabo de Bona Esperanca. 't Amsterdam. bl. 13
  3. Suid-Afrikaanse Erfenishulpbronagentskap - "Item: 14119"[dooie skakel], afgelaai 17 Mei 2012

Eksterne skakels[wysig | wysig bron]

  • Green, Lawrence G.: A decent fellow doesn't work. Kaapstad: Howard Timmins, 1982. ISBN 0-86978-241-X