Oceanos (skip)

in Wikipedia, die vrye ensiklopedie
Spring na: navigasie, soek
Voorstelling van die Oceanos.
Oceanos (skip) is geleë in Oos-Kaap
Oceanos se wrak
Oos-Londen

Die passasierskip Oceanos het op 5 Augustus 1991 'n 10 km van Koffiebaai aan die Transkeise Wildekus vergaan. Dit het een van die wêreld se mees dramatiese en suksesvolste reddingsaksies tot gevolg gehad.

Die skip van 14 000 ton is in 1952 in Frankryk gebou, kon 'n maksimum van 550 passasiers en 250 bemanningslede vervoer. Alhoewel die skip sedert 1976 as die Oceanos bekend was, het dit voorheen die name Jean Laborde, Ancona en Eastern Princess gehad. Vanaf 1976 was dit die eiendom van die Griekse maatskappy Epirotiki met Piraeus as tuishawe. Sedert 1988 het dit plesiertogte tussen Londen en Durban vir TFC Tours onderneem. Instandhoudingswerk aan die skip was helaas agterstallig.

Vroeg in Augustus 1991 was die skip van Kaapstad via Oos-Londen na Durban onderweg. Op 3 Augustus tydens 'n harde wind en 'n ontstuimige see spoel seewater deur 'n reeds bestaande gat van 10 cm in die romp die masjienkamer binne en word die kragopwekkers uitgeskakel.

Skepe in die omgewing en helikopters van die Suid-Afrikaanse Lugmag het al die 571 opvarendes gered en by The Haven en Gat-in-die-muur (Hole in the Wall) aan land gebring. Dat die kaptein en van sy bemanning glo eerste in die reddingsbote weggekom het en die ander skipbreukelinge aan hul lot oorgelaat het, het groot verontwaardiging by die publiek uitgelok. Die towenaar en ander vermaaklikheidskunstenaars het die leiding met die ontruiming van die sinkende skip geneem.

Kapt. Yiannis Avranas is deur 'n Londense geregshof van nalatigheid vrygespreek en het later weer as bevelvoerder op 'n skip opgetree.

Die wrak lê 5 km van die kus op 'n diepte van 90 m. Vir duikers is dit een van die moeilikste wrakke in die wêreld om te besoek.

Bibliografie[wysig]

Koördinate: 32°07′15″S 29°07′13″E  (Oceanos se wrak)