Pelé

in Wikipedia, die vrye ensiklopedie
Pelé

Pelé in 2008
Persoonlike inligting
GeboortenaamEdson Arantes do Nascimento
Gebore(1940-10-23)23 Oktober 1940
GeboorteplekTrês Corações, Brasilië
Oorlede28 Desember 2022 (op 82)
Plek oorledeSão Paulo, Brasilië
Lengte1,73 m
SpeelposisieVoorspeler[1][2][3][4]
Aanvallende middelveldspeler[5][6][7][8][9]
Jeugloopbaan
1953–1956Bauru
Seniorloopbaan*
JareSpanKere(Doele)
1956–1974Santos638(619)
1975–1977New York Cosmos[10]56(31)
Totaal694(650)
Nasionale span
1957–1971Brasilië92(77)
* Kere vir seniorklub uitgedraf en doele is net vir die plaaslike liga..
† Kere uitgedraf (Doele).

Edson Arantes do Nascimento (23 Oktober 194028 Desember 2022), beter bekend as Pelé, was 'n Brasiliaanse sokkerspeler en word dikwels beskryf as die beste sokkerspeler van alle tye.[11] Hy is ook deur die Internasionale Olimpiese Komitee as atleet van die eeu benoem.[12] Alhoewel sy geboortesertifikaat wys dat sy eerste naam "Edison" is (hy is vernoem na Thomas Edison), verwys hy na homself as "Edson", maar dit is as "Pelé" wat hy 'n sportlegende geword het.

Pelé het 'n nasionale held in sy tuisland geword, waar die regering hom tot 'n nasionale skat verklaar het. Hy is bekend vir sy prestasies in en bydraes tot sokker[13] en FIFA het amptelik verklaar dat hy die sokkerambassadeur van die wêreld is. Hy bied ook sy ondersteuning aan beleide wat die sosiale omstandighede van die armes probeer verbeter; toe hy sy duisendste doel aangeteken het, het hy dit aan die arm kinders van Brasilië opgedra.[14] Deur die loop van sy loopbaan het hy bekend gestaan as "die koning van sokker (O Rei do Futebol), "die koning Pelé (O Rei Pelé) of slegs "die koning" (O Rei). Hy is ook 'n lid van die Amerikaanse nasionale sokkereregalery.

Pelé het op 15-jarige ouderdom vir die Santos-sokkerklub begin speel en reeds met 16 saam met die nasionale span uitgedraf: saam met sy span het hy op 17 sy eerste Sokker-Wêreldbeker gewen. Alhoewel hy talle aansoeke van Europese klubs gehad het, was die ekonomiese omstandighede en die destydse Brasiliaanse sokkerregulasies ten gunste van die Brasiliaanse Santos-sokkerklub en het hy tot 1974 vir hulle gespeel. Pelé het binnevoorspeler, doelskopper en spelskepper gespeel. Sy tegniek en natuurlike atletiese vermoëns is alom geprys; hy was beroemd vir sy uitstekende dribbelwerk en aangee, sy pas, kragtige skoppe en tallose doele.

Hy is die speler met die meeste doele in die geskiedenis van die nasionale Brasiliaanse sokkerspan en is die enigste sokkerspeler wat al deel was van drie spanne wat die Sokker-Wêreldbeker (1958, 1962 en 1970) verower het. Hy het egter nie die 1962-toernooi voltooi nie, as gevolg van 'n besering. FIFA het egter in November 2007 aangekondig dat die medalje tog aan hom toegeken sal word.

Ná sy aftrede in 1977 was Pelé 'n sokkerambassadeur.

Internasionale loopbaanstatistieke[wysig | wysig bron]

Pelé saam met die Brasiliaanse nasionale sokkerspan wat die FIFA Sokker-Wêreldbekertoernooi in 1958 gewen het
Pelé saam met die Brasiliaanse nasionale sokkerspan wat die FIFA Sokker-Wêreldbekertoernooi in 1970 gewen het

Vir die Brasiliaanse nasionale sokkerspan:[15]

Jaar Kere uitgedraf Doelskoppe
1957 2 2
1958 7 9
1959 9 11
1960 6 4
1961 0 0
1962 8 8
1963 7 7
1964 3 2
1965 8 9
1966 9 5
1967 0 0
1968 7 4
1969 9 7
1970 15 8
1971 2 1
Totaal 92 77

Verwysings[wysig | wysig bron]

  1. (en) "Pelé and Maradona – two very different number tens" Geargiveer 28 April 2015 op Wayback Machine. FIFA.com. Besoek op 14 Oktober 2012.
  2. (en) Arantes, Edson (2007). My Life and the Beautiful Game: The Autobiography of Pele. Skyhorse Publishing. p. 108,. ISBN 1-60239-196-3.{{cite book}}: AS1-onderhoud: ekstra leestekens (link)
  3. (en) "The Great Creators" Geargiveer 2 Julie 2014 op Wayback Machine. FIFA.com. Besoek op 14 Oktober 2012.
  4. (en) "Pele edges Eusebio as Santos defend title" Geargiveer 28 April 2015 op Wayback Machine. FIFA.com. Besoek op 14 Oktober 2012.
  5. (en) Pelé: The Autobiography. London: Simon & Schuster UK Ltd. 2006. p. 41,. ISBN 978-1-4165-1121-2.{{cite book}}: AS1-onderhoud: ekstra leestekens (link)
  6. (en) "Santos profile: Pele" Geargiveer 23 September 2013 op Wayback Machine. Santos Futbol Clube. Besoek op 14 Oktober 2012
  7. (en) "Attacking midfielder/‘Hole’ player". Talk Football. Besoek op 14 Oktober 2012.
  8. (es) Pele: Xavi Geargiveer 2 Julie 2014 op Wayback Machine. FIFA.com. Besoek op 14 Oktober 2012.
  9. (fr) Quand Pelé rêvait d'être Xavi Geargiveer 13 Oktober 2014 op Wayback Machine. L'equipe. Besoek op 14 Oktober 2012.
  10. (en) "NASL Player Profile – Pele". Nasljerseys.com. Geargiveer vanaf die oorspronklike op 6 April 2020. Besoek op 12 Junie 2010.
  11. (en) "PELE – International Football Hall of Fame". IFHOF. Geargiveer vanaf die oorspronklike op 4 Desember 2004. Besoek op 20 November 2008.
  12. (en) "Pelé still in global demand". CNN Sports Illustrated. 29 Mei 2002. Geargiveer vanaf die oorspronklike op 21 April 2008. Besoek op 30 Mei 2008.
  13. (en) "Pelé, King of Futbol". ESPN. Geargiveer vanaf die oorspronklike op 5 Junie 2016. Besoek op 1 Oktober 2006.
  14. (pt) ""Dedico este gol às criancinhas"". Gazeta Esportiva. Geargiveer vanaf die oorspronklike op 18 Desember 2007. Besoek op 30 Mei 2008.
  15. (en) https://www.rsssf.org/miscellaneous/pele-intlg.html

Eksterne skakels[wysig | wysig bron]