Renoster

in Wikipedia, die vrye ensiklopedie
Spring na: navigasie, soek
Renoster
Tydperk: Eocene–Recent
'n Witrenoster
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Perissodactyla
Familie: Rhinocerotidae
Gray, 1821
Genera

Ceratotherium
Dicerorhinus
Diceros
Rhinoceros

Die renoster is die grootste lewende landsoogdier met die uitsondering van die olifant. Daar bestaan tans vyf spesies renosters wêreldwyd: drie spesies in Asië en twee in Afrika. Die twee spesies van Afrika kom altwee ook in Suid-Afrika voor en is die witrenoster en die skaarser swartrenoster.

Witrenoster[wysig]

Vir hoofartikel, sien Witrenoster.

Die witrenoster (Cerarotherium simum) van Afrika is die renestorspesie wat nog die mees volop voorkom in die wêreld. Die totale bevolking van hierdie soort in die natuur bedra 20.170 individue (2010), waarvan die oorweldigende meerderheid van 18.800 individue (2010) in Suid-Afrika voorkom[1].

Die witrenoster het, nes die swartrenoster, twee neushorings, maar 'n meer "vierkantige" bolip as die swartrenoster s'n. Hierdie lip gebruik hy om gras na sy mond te "vee". Aangesien dit 'n grasvreter is, word die witrenoster gewoonlik gesien met sy kop grond toe gebuig.

Swartrenoster[wysig]

Vir hoofartikel, sien Swartrenoster.

Die swartrenoster (Diceros bicornis) is baie skaarser as die witrenoster. Volgens skattings was daar in 2010 nog slegs 4,880 van dié renosterspesie in lewe. Hoewel hierdie aantal 'n verdubbeling is van die aantal swartrenosters in 1995, is dit nog 90% minder as wat daar drie generasies terug was[2].

Dié renostersoort het ’n lang, gepunte bolip (in teenstelling tot die vierkantige bolip van die witrenoster), wat dit gebruik om blare en twygies mee beet te kry om te vreet. Daarom word hierdie renoster, in teenstelling tot die swartrenoster, gewoonlik gesien met sy kop in die lug.

Sien ook[wysig]

Bronnelys[wysig]

  1. Emslie, R. (2012). “"Ceratotherium simum"”. IUCN Rooilys van Bedreigde Spesies. Weergawe 2014.2. Internasionale Unie vir die Bewaring van die Natuur. URL besoek op 2014-09-09.
  2. Emslie, R. (2012). “"Diceros bicornis"”. IUCN Rooilys van Bedreigde Spesies. Weergawe 2014.2. Internasionale Unie vir die Bewaring van die Natuur. URL besoek op 2014-09-09.
Wiktionary-logo-en.svg Vir woordeboekinligting, sien die bladsy renoster op WikiWoordeboek