Rivonia-verhoor

in Wikipedia, die vrye ensiklopedie
Spring na: navigasie, soek
Die Paleis van Justisie op Kerkplein waar die verhoor gehou is

Die Rivonia-verhoor was 'n verhoor wat tussen 1963 en 1964 in Suid-Afrika plaasgevind het. Tien leiers van die ANC is vir 221 klagte van sabotasie aangekla nadat hulle gepoog het om die regering van Suid-Afrika omver te werp. Die verhoor volg op 'n klopjag wat die Polisie op Umkhonto we Sizwe (MK) se basis in Rivonia uitgevoer het. Hiertydens is dokumente wat die mans met mekaar verbind het in beslag gelê.

Die verhoor begin in Oktober 1963 in die Paleis van Justisie op Kerkplein in Pretoria. Die regter was Quartus de Wet. Die openbare aanklaer was Percy Yutar en die verdediging is deur Bram Fischer gelei. Coen Stork het die verrigtinge as Nederland se amptelike waarnemer bygewoon.

Die aangeklaagdes was:

  1. Nelson Mandela
  2. Walter Sisulu
  3. Denis Goldberg
  4. Govan Mbeki
  5. Ahmed Kathrada
  6. Lionel "Rusty" Bernstein (vrygespreek)
  7. Raymond Mhlaba
  8. James Kantor (vrygespreek)
  9. Elias Motsoaledi
  10. Andrew Mlangeni

Aanvanklik word die doodstraf aangevra, maar dit word later na lewenslange gevangenisstraf versag. Op 12 Junie 1964 word die vonnis uitgespreek. Agt van die tien word skuldig bevind en lewenslange tronkstraf opgelê. Onder hulle was Nelson Mandela, wat aan al die klagte skuldig bevind is. Hy sou uiteindelik 27 jaar van sy vonnis uitdien. Twee ander veroordeeldes het uit die gevangenis ontsnap nadat hulle 'n tronkbewaarder omgekoop het.