Robyn de Groot

Robyn de Groot by die 2012 UCI padfiets wêreldkampioenskap, 3de van links

Robyn de Groot, (gebore 26 Desember 1982 in Johannesburg) is 'n Suid-Afrikaanse professionele fietsryer.Sy was 'n professionele padfietsryer van 2006 tot 2012. Sy was deel van die Suid-Afrikaanse padfiets span vir ses agtereenvolgende jare en het haar land by vier Wêreldkampioenskappe; die 2010 Statebondspele in Delhi, Indië en die Olimpiese Somerspele 2012 in Londen verteenwoordig. Sy kon ongelukkig nie dié wedren voltooi nie weens 'n botsing vroeg in die wedren en gevolglike meganiese probleme.

In 2012 het sy uitgetree uit professionele padfiets wedrenne en haar teruggekeer na haar loopbaan as 'n Biokinetikus. In 2013 het sy begin om bergfiets te ry, hoofsaaklik as 'n stokperdjie en gou het sy hierin uitgeblink. Sy het die MTN Nasionale Bergfietsreeks gewen wat haar bestendigheid bewys. Sy wen die Suid-Afrikaanse maraton bergfiets titel met haar eerste probeerslag en is gekies om Suid-Afrika te verteenwoordig by die Wêreld Maraton kampioenskap in Oostenryk waar sy die 19de posisie behaal. In 2014 verdedig sy haar nasionale maraton titel suksesvol en eindig in die sesde posisie tydens die Wêreld Maratonkampioenskap in Pietermaritzburg.

In Maart 2017 het sy saam met die Duitse ryer, Sabine Spitz, aan die Absa Cape Epic deelgeneem en derde geëindig na 'n reeks terugslae; hoofsaaklik as gevolg van die Duitser wat twee keer geval het. Dit was die derde Cape Epic waaraan sy deelgeneem het. Sy was tweede in 2015 en ook in 2016, as individu nadat haar spanmaat onttrek het as gevolg van siekte.

In 2019 behaal sy die derde plek tydens die Wêreld Maratonkampioenskap in Grächen, Switserland.

Vroeëre lewe

Sy is gebore en het in Johannesburg grootgeword. Sy was in Laerskool Panorama en daarna by Northliff High School, waar sy gematrikuleer het in 2000. Sy voltooi 'n graad in Sport Sielkunde aan die Universiteit van Johannesburg en behaal 'n Honneursgrad in Biokinetika aan die Universiteit van Kaapstad in 2004.