Roelf Meyer

in Wikipedia, die vrye ensiklopedie
Spring na: navigasie, soek
Roelf Meyer

Minister van Verdediging
Ampstermyn
1991 – 1992
Voorafgegaan deur Magnus Malan
Opgevolg deur Gene Louw

Minister van Konstitusionele Ontwikkeling
Ampstermyn
1991 – 1996

Persoonlike besonderhede
Geboorte 16 Julie 1947
Port Elizabeth
Politieke party Nasionale Party
Alma Mater Universiteit van die Vrystaat

Roelof Petrus (Roelf) Meyer (geb. in Port Elizabeth, 16 Julie 1947) is 'n Suid-Afrikaanse politikus.

Hy matrikuleer in 1964 in Ficksburg en voltooi sy BComm (1968) en LLB (1971) aan die Universiteit van die Vrystaat. Daarna praktiseer hy as prokureur in Pretoria en Johannesburg. In 1979 begin sy politieke loopbaan as Lid van die Volksraad. Hy dien as adjunkminister van Wet en Orde en Konstitusionele Ontwikkeling (1968 – 1991) en later as Minister van Verdediging en Konstitusionele Ontwikkeling (1991 – 1996).

As die hoofonderhandelaar van die Nasionale Partyregering was hy nou betrokke by die onderhandelinge vir 'n demokratiese Suid-Afrika (Veelparty Onderhandelingsforum) in 1993 na die mislukking van KODESA. In hierdie hoedaningheid het hy tesame met Cyril Ramaphosa, wie die hoofonderhandelaar van die African National Congress was, die einde van apartheid verwesenlik deur vreedsame onderhandelinge. Hy het ook nou geskakel met Mnr. Niel Barnard, die Nasionale Intelligensiediens se destydse hoof, wat 'n sterk ondersteuner van 'n onderhandelde skikking vir Suid-Afrika was. Met die afsluiting van die onderhandelinge in November 1993, word hy die regering se hoofverteenwoordiger op die Uitvoerende Oorgangsraad.

Hierdie onderhandelinge het gely tot die eerste demokratiese verkiesing in Suid-Afrika in April 1994. Na die verkiesing bly hy in die portfolio van Konstitusionele Ontwikkeling en Provinsiale Sake in die Kabinet van President Nelson Mandela.

Sy ouer broer, Anton "Tobie" Meyer, was Adjunkminister van Landbou en Landsake in hierdie regering. Weereens het hy met Cyril Ramaphosa, die voorsitter van die Konstitusionele Vergadering, saamgewerk.

Hy is tans 'n besigheidsman en dien as konsultant vir vredesprosesse. In hierdie hoedanigheid is of was hy betrokke by baie lande oor die wêreld heen – Noord-Ierland, Sri Lanka, Rwanda, Kosovo en Bolivië sowel as die Baskiese gebied en die Midde-Ooste. Hy dien op die Strategiese Komitee van die projek oor Tye van Transisie in New York. Hy was ook die voorsitter van die Tip O’Neil Vredesstudies by die Universiteit van Ulster in Noord-Ierland in 2001.

Voorafgegaan deur:
Magnus Malan
Minister van Verdediging
1991–1992
Opgevolg deur:
Gene Louw