Ficksburg
| Ficksburg | |
.svg)  Ficksburg
|
|
| Koördinate: Koördinate: | |
| Land |  Suid-Afrika |
|---|---|
| Provinsie | Vrystaat |
| Distriksmunisipaliteit | Thabo Mofutsanyana |
| Plaaslike Munisipaliteit | Setsoto |
| Hoogte | 1 613 m (5 292 vt) |
| Bevolking (2001) | |
| - Stad | 8 307 |
| Tydsone | SAST (UTC+2) |
| Poskode | 9730 |
| Skakelkode(s) | 051 |
| Vernoem na | Johan Fick |
Ficksburg is 'n dorp in die Vrystaat, Suid-Afrika en is langs die Caledonrivier en gevolglik die grens tussen die Suid-Afrika en Lesotho geleë.
Ander dorpe in die omgewing sluit Fouriesburg, Clocolan, Clarens en Bethlehem in.
Inhoud |
Geskiedenis [wysig]
Dié dorp is na Johan Izak Fick vernoem, wat 'n kommandant-generaal van die Vrystaatse magte was tydens die oorloë teen die Basoetos in die 1860's. Ficksburg is, soos Wepener en Ladybrand, onmiddellik na die laaste oorlog teen die Basoetos in 1867 as 'n vesting van die Vrystaat in die verowerde Basoeto gebied gebou. Dié dorpe moes verset deur die Basoetos en strooptogte oor die grens verhoed.
Omgewing [wysig]
Die distrik is 1 326 km2 groot. Ficksburg se hedendaagse bekendheid is as gevolg van sy kersiefees wat in November elke jaar gehou word. Byna die hele land se kersies word hier verbou, terwyl aspersies ook op groot skaal in die area verbou word.
Tydens die jaarlikse Kersiefees wat op Ficksburg gehou word, word die bekende Kersie half maraton gehou. Hierdie uitmergelende half maraton word oor 'n afstand van 23km gehou, in plaas van die standaard 21.1 km vir 'n half maraton. Die Maraton begin in die noorde van die dorp, en volg dan 'n roete wat oor Imperani berg aan die weste strek, en eindig weer in die suide van die dorp.
Ficksburg lê tussen Imperani berg aan die weste, Stafford's Hill in die noord-ooste, en die Caledonrivier aan die ooste. Die Caledonrivier vorm die grens tussen die Vrystaat en Lesotho. Die bekende landskaps baken Soutkop is ook ongeveer 5 km buite die dorp.
Ficksburg se dam, die Meulspruit Dam is agter Imperani Berg geleë. Die dam dien as beide 'n ontspanningsoord en die dorp se watertoevoer.
Ficksburg word gekenmerk deur sy vele sandsteengeboue, soos die NG Kerk, die ou Poskantoor en die ou Hoërskool Ficksburg (tans die Laerskool Ficksburg). Die biblioteek van die ou Hoërskool Fickburg word ook versier deur kuns van die skilder Pierneef, wat teen die mure van hierdie gebou geskilder het. Pierneef het sy eerste opdrag ontvang om Boesmanskilderye hier aan te bring.
Skole [wysig]
Die bekendste skole op die dorp is die Laerskool Ficksburg end die Hoërskool Ficksburg. Die Hoër Tegniese Skool het in die vroeë negentigerjare met die Hoërskool Ficksburg saamgesmelt em laasgenoemde se naam behou. Toe het die laerskool die ou tegniese skool perseel betrek.
Bron [wysig]
- B.P.J. Erasmus: Op Pad in Suid-Afrika. Jonathan Ball Uitgewers, 1995. ISBN 1-86842-026-4
Sien ook [wysig]
- Soutkop, 'n sandsteen koppie buite die dorp.
- Ficksburgtornado, tornado wat op 2 Oktober 2011 hier voorgekom het.
- Lys van dorpe in Suid-Afrika
