Salle du Jeu de paume
Dans ce Jeu de paume, le XX juin MDCCLXXXIX, les députés du peuple, repoussés du lieu ordinaire de leurs séances, jurèrent de ne point se séparer qu'ils n'eussent donné une constitution à la France. Ils ont tenu parole.
Die Salle du Jeu de paume is 'n kaatsbaan in die rue du Jeu de paume in Versailles (Yvelines). Die saal is deur Nicolas Creté in 1686 in opdrag van Lodewyk XIV opgerig as 'n baan vir die kaatsspel, Jeu de paume, 'n voorganger van moderne tennis, wat deur die koning en ander persoonlikhede uit die Franse hof gespeel is.[1] Jeu de paume was op daardie stadium baie gewild en daar was tweehonderd sulke sale in Parys. Die Salle du Jeu de paume het bekendheid verwerf vir die Eed op die Kaatsbaan wat op 20 Junie 1789 deur die afgevaardigdes van die Derde Stand daar onderneem is en in 'n groot muurskildery deur Jacques-Louis David verewig is. 'n Gedenkplaat is ook bokant die deur aangebring.
Tydens die heerskappy van Juillet is die gedenkplaat herstel en Horace Vernet het toestemming verkry om sy ateljee daar in te rig na sy terugkeer uit Afrika.[1] Met die proklamasie van die Tweede Republiek op 25 Februarie 1848 het 'n glorieryke tydperk vir die saal aangebreek. " 'n Groot banket is op 14 Maart 1848 daarin gehou. Tydens die Tweede Ryk is die Salle du Jeu de paume aan 'n amptenaar van die prefektuur verhuur wat dit as 'n dobbelhuis vir die offisier van die wag gebruik. Dit het kort daarna bankrot gespeel. Tydens die Derde Republiek is die saal aan sy lot oorgelaat voor dit in 1883 deur Jules Ferry omskep is aan 'n museum van die Franse Rewolusie. Tydens die Vyfde Republiek is dit geheel en al gerestoureer in 1988.[1] Vandag is die saal die eiendom van die Nasionale Vergadering.
Verwysings[wysig | wysig bron]
- ↑ 1,0 1,1 1,2 Mairie de Versailles, La Salle du Jeu de Paume Geargiveer 16 Oktober 2007 op Wayback Machine, besoek op 11 Oktober 2007
Koördinate: 48°48′3.64″N 02°07′26″O / 48.8010111°N 2.12389°O
