Saterdag

in Wikipedia, die vrye ensiklopedie
Kaart wat die name vir Saterdag in Europese tale vertoon.

Saterdag is die weeksdag tussen Vrydag en Sondag. Die naam is uniek tussen al die ander dagname, omdat dit afkomstig is van die Romeinse god Saturnus, terwyl die ander ses afkomstig van Saksiese gode is. Die naam beteken "Saturnus se dag".

Tradisioneel vanaf antieke Jode is Saterdag die laaste dag van die week, en is steeds standaard in die Verenigde State van Amerika en die Verenigde Koninkryk, alhoewel moderne Europa deesdae Saterdag as die sesde (tweede-laaste) dag van die week sien - hierdie konvensie is geformaliseer deur ISO 8601.

In antieke Joodse tradisie is Saterdag die sabbat. Baie tale ontbreek aparte woorde vir "Saterdag" en "sabbat": Oosters Ortodokse kerke onderskei tussen die sabbat (Saterdag) en die Here se dag (Sondag), en Rooms-Katolieke Kerke plaas só min klem op die onderskeid dat die meeste onder hulle die Protestantse gebruik—ten minste in omgangstaal—volg deur Sondag die sabbat te noem.

In Skandinawiese lande word Saterdag "Lördag" of "Löverdag" genoem, wat afgelei is van die woord "laugr" wat "bad" beteken.

Die moderne Māori naam is "Rahoroi", wat "wasdag" beteken.

Saterdag is deel van die naweek, en tradisioneel 'n dag van ontspanning. Baie partytjies word ook dan gehou, juis omdat dit Sondag - nog 'n rusdag - voorafgaan, en klubs, kroeë en restaurante is gewoonlik later oop op Saterdae as ander weeksaande.

Saterdag is die algemene dag vir verkiesings in Australië.

Ander skakels[wysig | wysig bron]