Swartneusrooibok

in Wikipedia, die vrye ensiklopedie
Spring na: navigasie, soek
Swartneusrooibok
'n Swartneusrooibok in die Etosha Nasionale Park, Namibia
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Artiodactyla
Familie: Bovidae
Subfamilie: Aepycerotinae
Genus: Aepyceros
Spesie: A. melampus
Subspesie: A. m. petersi
Trinomiale naam
Aepyceros melampus petersi
Bocage, 1879

Die swartneusrooibok (Latyn: Aepyceros melampus petersi) is 'n wildsbok wat in die noordweste van Namibië voorkom. Dit staan ook bekend as die swartgesigrooibok.

Bou en kleur[wysig]

Die boksoort verskil van rooibokke omdat hulle 'n swart bles op die gesig het, die stert is ruier en langer en die lyfkleur donkerder. Hulle het ook nie die rooi skynsel van rooibokke nie.

Die kleur op die rug is dofbruin. Halfpad teen die sye af, tussen die pens en die dofbruin rug, is 'n strook ligte vaalbruin hare. Op die gesig is die kenmerkende swart bles en agter teen die boude is vertikale swart strepies. Die wange en ore is rooibruin. Die ooie is kleiner as die die ramme en sonder horings.

Ramme[wysig]

Die ramme weeg tot 63 kg en die horings is gemiddeld 46 cm lank. Die rekord is 67,31 cm.

Ooie[wysig]

Die ooie weeg tot 50 kg en is het nie horings nie. Die ooie lewer een lammetjie na 'n dratyd van sowat 6½ maande tussen Desember en Januarie.

Ander feite[wysig]

Hulle natuurlike vyande is die jagluiperd, luiperd, leeu, wildehond en gevlekte hiëna. Die boksoort verkies ruie rivierplantegroei begrens deur oper bosveld. Hulle vorm troppies van 3 tot 20 diere wat normaalweg bestaan uit 'n ram en sy jong ooie. Ander ramme loop alleen of vorm ramtroppe. Dit word deur die IUBN geklassifiseer as 'n kwesbare spesie.

Bron[wysig]

Verwysings[wysig]

  1. IUCN SSC Antelope Specialist Group (2008). Aepyceros melampus ssp. melampus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 5 Februarie 2009.