Rooibok
| Rooibok | ||||||||||||||||
|---|---|---|---|---|---|---|---|---|---|---|---|---|---|---|---|---|
 'n Trop rooibokke in Suid-Afrika
|
||||||||||||||||
| Bewaringstatus | ||||||||||||||||
| Wetenskaplike klassifikasie | ||||||||||||||||
|
||||||||||||||||
| Binomiale naam | ||||||||||||||||
| Aepyceros melampus (Lichtenstein, 1812) |
||||||||||||||||
 Range map
|
||||||||||||||||
| Subspesies | ||||||||||||||||
|
Die rooibok (Aepyceros melampus) is 'n wildsbok wat in Afrika aangetref word.
Die bok se wetenskaplike naam, Aepyceros melampus, is 'n samestelling van die Griekse aipos+ceros+melas+pous, oftewel "hoog"+"horing"+"swart"+"poot".
'n Volwasse rooibok weeg ongeveer 50 kg en het 'n gemiddelde hoogte van 90 cm. Soos die naam aangee, is hierdie bokke rooibruin van kleur met ligkleurige flanke, terwyl die pens onderlangs wit is. 'n Donker, kenmerkende M-vorm word op die afterkant aangetref. Die ram het liervormige horings wat tot 70 cm lank kan wees.
Die rooibok is een van die volopste kleinboksoorte. 'n Rooibok kan met een sprong 10 m ver en 3 m hoog spring. Rooibokke kom in troppe voor, gewoonlik 'n ram met verskeie ooie. Hulle word algemeen in Suider-Afrika aangetref, en is sowel gras- as blaarvreters. Hulle is self die prooi van verskeie roofdiere.
Paring vind gewoonlik van April tot Mei plaas. Die ooi gee na 6 maande, gewoonlik in November of Desember, aan 'n enkele lammetjie geboorte. Rooibokke het 'n aangetekende moontlike lewensduur van 9 jaar.
Hulle vyande is die leeu, luiperd, jagluiperd, wildehond, gevlekte hiëna en die krokodil.
[wysig] Die Swartrooibok
Die Swartrooibok is 'n baie skaars variant van die rooibok wat heeltemal swart is. Botlierskop Private Game Reserve in Suid-Afrika het meer as 150 Swartrooibokke. Die Swartrooibok kan in groot troppe van omtrent 100 diere gevind word as hulle aanteel, maar, gewoonlik is hulle in troppe van net 20 diere gevind.
[wysig] Sien ook
- Lys van Suider-Afrikaanse soogdiere
- Lys van Suider-Afrikaanse soogdiere volgens wetenskaplike name
- Suider-Afrikaanse soogdiere en hul ordes
[wysig] Bronnelys
- IUCN SSC Antelope Specialist Group (2008). Aepyceros melampus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 18 January 2009. Databasis-inskrywing bied ’n kort regverdiging hoekom hierdie spesie nie bedreigd is nie.
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
