Vlieland
Vlieland is vanuit die weste die tweede bewoonde Nederlandse Wadde eiland, en lê in die provinsie Friesland. In vroeër tye was Vlieland 'n deel van die gewes Texla. Die eiland is 'n gebiedsdeel van die gelyknamig munisipaliteit Vlieland. Aan die westekant van die eiland lê Texel, aan die oostekant van Vlieland lê Terschelling.
Die munisipaliteit Vlieland tel 1150 inwoners. In die munisipaliteit is slegs een dorp: Oost-Vlieland, wat ongeveer 1070 inwoners het. Met 28 inw/km² is Vlieland na Schiermonnikoog die ylbevolkste munisipaliteit van Nederland.
Inhoud |
[wysig] Geskiedenis
Deur die stormvloed van 1287 word Vlieland van Friesland se vasteland geskei. Dit het deel uitgemaak van die proses waardeur die Waadsee gevorm is. Die noordelike deel van Texel, Eierland, was ooit 'n deel van Vlieland nie. Deur die ontstaan van die Eierlandse Gat is Eierland van Vlieland geskei. Deur verdere veranderinge in seestrome het Vlieland aan die weskus steeds verder geërodeer.
Naas Oost-Vlieland was daar nog 'n tweede dorp: West-Vlieland (Westeynde). Die laatste huise word in 1736 uit hierdie dorp ontruim na tientalle jare van vloede en pogings tot wederopbou.
Tot 1942 het Vlieland aan die provinsie Noord-Holland behoort, soos Terschelling. Die Duitsers het dit verander en het die eiland by Friesland ingedeel. Na die oorlog is hierdie wysiging aan die provinsiale grens nie ongedaan gemaak nie.
Vlieland is nou 'n Fries wadde eiland, maar daar word nie Fries gepraat nie. Die oorspronklike dialek van Vlieland, Vlielands, het veral aansluiting gevind by die dialekte van Noord-Holland. Die laatste spreekster, mevrou Petronella de Boer-Zeylemaker, het in 1993 gesterf toe sy 107 jaar oud was.
[wysig] Dorpe
Die enigste dorp op die eiland is Oost-Vlieland. 'n Tweede dorp, met die naam West-Vlieland het in 1736 in die see verdwyn.
[wysig] Bekende Vlielanders
- Willem de Vlamingh (1640-1698), ontdekkingsreisiger wat in opdrag van die VOC die weskus van Australië gekarteer het, is in Oost-Vlieland gebore.
