Wildau
|
Wildau |
|
|---|---|
| Kaart | Wapen |
 |
|
 |
|
| Vlag | |
| Land |  Duitsland |
| Deelstaat |  Brandenburg |
| Distrik | Dahme-Spreewald |
| Koördinate | |
| Stigting | 1375 (eerste verwysing) |
| Oppervlakte: | |
| - Totaal | 9,09 vk km |
| Hoogte bo seevlak | 45 m |
| Bevolking: | |
| - Totaal (31 Desember 2010) | 9 898 [1] |
| - Bevolkingsdigtheid | 1 089/vk km |
| Tydsone | UTC +1 (MET) |
| - Somertyd | UTC +2 |
| Klimaat | |
| - Tipe | Gematigde klimaat |
| Burgemeester | Uwe Malich (Die Linke) |
| Amptelike Webwerf | www.wildau.de |
Wildau is 'n dorp in die distrik Dahme-Spreewald van die Duitse deelstaat Brandenburg met 'n oppervlakte van 9,09 vierkante kilometer en 'n bevolking van 9 898 (soos op 31 Desember 2010). Die huidige dorp behels die historiese dorpskern Hoherlehme en die nuwe dorpskern van Wildau.
Wildau staan veral bekend vir sy Technische Fachhochschule (Tegnikon), die werkerskwartier Schwartzkopffsiedlung wat tot nasionale monument verklaar is, die winkelsentrum A10-Center digby die snelweg A10 (een van die grootstes in die metropolitaanse gebied van Berlyn) en sy voormalige swaar nywerheid.
Inhoud |
[wysig] Geografie
Wildau is naby die suidoostelike stadsrand van Berlyn teen die helling van die Teltow-plato geleë. Die dorp word in die ooste deur die Dahme-rivier begrens wat sy naam aan die hele streek verleen het en naby die Berlynse stadsdeel Köpenick in die Spree-rivier uitmond.
Die huidige dorp behels twee kerne - die historiese dorpskern van Hoherlehme en die moderne Wildau wat eers in die nywerheidstydperk ontstaan het.
In die suide en ooste grens Wildau aan die voormalige distrikshoofstad Königs Wusterhausen en in die noorde aan die dorp Zeuthen. In die weste word Wildau deur 'n bosryke gebied van die aangrensende dorp Schönefeld geskei.
[wysig] Geskiedenis
Die sogenaamde Landboek van Karel IV uit die jaar 1375 bevat die eerste geskiedkundige verwysing na die dorp Hoherlehme wat in dié bron onder die Latynse naam Alta Lomen gelys word. Die dorp was destyds regstreeks aan die Dahme-rivier geleë. Die eerste menslike nedersettings in die gebied het egter al vroeër ontstaan - die oudste argelogiese vondse dui daarop dat mense hier al in die Steentydperk tussen sowat 2000 en 700 v.C. gewoon het. Die nedersettings in die gebied het voortbestaan tot in die Bronstydperk en die Slawiese periode.
Die huidige dorpsnaam Wildau is vir die eerste keer op 22 November 1855 gebruik toe die landgoed Springziegelei die bynaam Wildau gekry het.[2] Met die vestiging van die Berliner Maschinenbau-Actien-Gesellschaft, 'n beduidende Berlynse aandelemaatskappy in die masjienboubedryf wat veral lokomotiewe vervaardig het, het in 1897 het die nywerheidstydperk in Wildau begin. Toe 'n tweede belangrike fabriek van die Maffei-Schwartzkopff-Werke GmbH in Wildau geopen is, het die dorp tot 'n beduidende nywerheidsentrum begin ontwikkel.
[wysig] Susterstede
Wildau het die volgende Susterstede:
[wysig] Verwysings
- ^ Bevölkerung im Land Brandenburg am 31. Dezember 2010 nach amtsfreien Gemeinden, Ämtern und Gemeinden
- ^ Kulawsky, Richard: Geschichte der Gemarkung Hoherlehme-Wildau
