'Ndrangheta

in Wikipedia, die vrye ensiklopedie

Die ’Ndràngheta[1] is ’n georganiseerdemisdaadgroep wat in Kalabrië, Italië, gesentreer is. Hoewel dit nie oorsee so bekend soos die Sisiliaanse Mafia is nie, het die ’Ndrangheta in die laat 1990's en vroeë 2000's die magtigste misdaadsindikaat in Italië geword.

Hoewel die ’Ndrangheta dikwels met die Mafia verbind word, is dit onafhanklik daarvan. Daar is egter samewerking tussen hulle vanweë hul geografiese nabyheid en die gedeelde kultuur en taal tussen Kalabrië en Sisilië. ’n Amerikaanse diplomaat het geraam die organisasie se dwelmsmokkelary, afpersing en geldwassery het in 2010 sowat 3% van Italië se BBP uitgemaak.[2]

Sedert die 1950's het die organisasie na Noord-Italië en die res van die wêreld uitgebrei. Volgens ’n Europese verslag in 2013 oor Italiaanse misdaad is die ’Ndrangheta onder die rykste en magtigste georganiseerdemisdaadgroepe op ’n globale skaal.[3]

Bruto inkomste van die 'Ndrangheta in 2007
Onwettige aktiwiteit Inkomste
Dwelmhandel  €   27,240 miljard
Kommersiële ondernemings en openbare kontrakte    €   5,733 miljard
Afpersing en rente  €   5,017 miljard
Wapenhandel  €   2,938 miljard
Prostitusie en mensehandel  €   2,867 miljard
Totaal  € 43,795 miljard

Verwysings[wysig | wysig bron]

  1. Die begin-n word nie uitgespreek in Kalabries nie, tensy dit direk deur ’n klinker voorafgegaan word.
  2. "US saw mafia-ridden Italian region as 'failed state,' according to WikiLeaks cable", The Canadian Press, 13 Januarie 2011.
  3. Italian Organised Crime: Threat Assessment, Europol, Den Haag, Junie 2013

Eksterne skakels[wysig | wysig bron]