The Cape Town Affair
| The Cape Town Affair | |
|---|---|
| Regisseur | Robert D. Webb |
| Produksieleier | Robert D. Webb |
| Draaiboek | Samuel Fuller en Harold Medford |
| Kinematografie | David Millin |
| Redigeerder | Peter Grossett |
| Speeltyd | 100 minute |
| Land | Verenigde State, geskiet in Suid-Afrika |
| Taal | Engels |
The Cape Town Affair is die regisseur Robert D. Webb se glansspioenfilm van 1967, vervaardig deur 20th Century Fox saam met Killarney Film Studios in Suid-Afrika. Claire Trevor, James Brolin en Jacqueline Bisset speel in die rolprent. Die film is 'n oormaak van die rolprent Pickup on South Street uit 1953. [1]
Dit was Brolin se eerste hoofrol. Beide hy en Bisset was onder kontrak by Fox. Hy het later gesê "Ek het nie baie daarvan gehou nie, maar ons [hy en Bisset] was nie sleg nie."[2]
Storielyn
[wysig | wysig bron]Suid-Afrikaanse geheime agente probeer 'n vertroulike mikrofilm red voordat die kommuniste dit in die hande kry.
Rolverdeling
[wysig | wysig bron]- Claire Trevor as Sam Williams
- James Brolin as Skip McCoy
- Jacqueline Bisset as Candy
- Bob Courtney as Kaptein Herrick, Veiligheidspolisie
- John Whiteley as Joey
- Gordon Mulholland as Sersant-Majoor Du Plessis
- Siegfried Mynhardt as Fenton
- James Gordon White as Sersant Beukes
- Gabriel Bayman as Mohammed the Fence
- Raymond Matuson as Lighting Louis / Espinosa
- Patrick Mynhardt as Myburgh
Produksie
[wysig | wysig bron]Sommige van die Kaapstad-tonele sluit in Longstraat, woonstelle langs Beachweg in Mouille Point en Groenpunt, die hawe waar nou die Waterfront is, die middestad naby die treinstasie en die stadsaal.
Ontvangs
[wysig | wysig bron]Kommentators beskryf die film as vervelig, traag, met swak toneelspel en langdradig. Die film skets egter 'n interessante prentjie van die lewe in Suid-Afrika onder apartheid, gesien vanuit die oogpunt van die amptelike regeringsbeleid. Al die hoofkarakters is wit en selfs straattonele bevat min nie-blankes.[3]
Verwysings
[wysig | wysig bron]- ↑ Cape Town Affair, The Monthly Film Bulletin; London Vol. 36, Iss. 420, (1 Januarie 1969): 8.
- ↑ Biding His Time: James Brolin Looking for Role Outside Weekly TV Rut. Murphy, Mary B. Los Angeles Times 2 September 1970: h17.
- ↑ Film As Evidence, Film As History And Film In History: Some African Perspectives, Bickford-Smith, Vivian. African Research & Documentation; London Iss. 110, (2009): 17-27.
Eksterne skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
