Pratley Putty
Pratley Putty is ’n kleiagtige kleefdeeg wat deur die Suid-Afrikaanse ingenieur George Montague Pratley van Krugersdorp ontwerp is. Hy het Pratley Putty in die sestigerjare uitgevind terwyl hy na ’n gom gesoek het waarmee hy komponente in ’n elektriese verdeelkas kon plak.
Pratley Putty is in 1969 gebruik om dele van die Eagle-maanlandingstuig van die Apollo 11-sending bymekaar te hou. Die tuig was die eerste om op die maan te land. In 2019 word Pratley Putty as deel van die SA Munt se "Suid-Afrikaanse uitvindings"-herdenkingsmuntreeks uitgebeeld. Dit was die enigste Suid-Afrikaanse produk wat op die maan geland het.[1]
Nadat Pratley in 1983 oorlede is, het sy seun Kim die beheer van die Pratley-maatskappy oorgeneem. Hulle vervaardig Pratley Putty saam met ’n reeks ander produkte wat dwarsoor die wêreld uitgevoer word.
Verwysings
[wysig | wysig bron]- ↑ Moon landing: SA's sticky invention honoured for holding missions together (Engels). News24 (20 Julie 2019). Argief geskep van die oorspronklike op 20 Julie 2019. URL besoek op 28 Augustus 2019.
