Apollo 11

in Wikipedia, die vrye ensiklopedie
Spring na: navigasie, soek
Apollo 11
Sendingwapen
Apollo 11 insignia.png
Die Apollo 11-wapen bevat 'n arend,
met uitgestrekte vlerke en 'n olyftakkie
op die maan met die aarde in die agtergrond.
Die omranding is in blou en goudkleur
Sendingstatistiek
Sendingnaam: Apollo 11
Roepteken: Beheermodule: Columbia
Maanmodule: Eagle
Bemanningslede: 3
Lansering: 16 Julie 1969
om 13:32:00 UTC
Kennedy Ruimtesentrum
LC 39A
Maanlanding: 20 Julie 1969
om 20:17:40 UTC
0.67°N 23.47°O
Sea of Tranquility
Maanuitstappies: 2 uur 31 min 40 sek
Tyd op die maan: 21 uur 30 min
Aardlanding: 24 Julie 1969
16:50:35 UTC
13° 19′ N 169° 9′ W
Tydsduur: 8 dae, 3 ure 18.5 minute
Apollo program.svg
Die bemanning van Apollo 11, Armstrong, Collins en Aldrin.

Apollo 11 was die Amerikaanse ruimtesending waarmee die eerste mense op die maan, die Amerikaners Neil Armstrong en Buzz Aldrin, geland het op 20 Julie 1969 om 20:18 UTC.

Armstrong was die eerste mens om op die maanoppervlak te loop, ses uur later op 21 Julie 02:56 UTC. Armstrong het ongeveer twee en 'n half ure buite die ruimtetuig vertoef en Aldrin effens minder, en saam het hulle 21,5 kg (47,5 pond) se maanmateriaal ingesamel om terug te neem na die aarde. Die derde lid van die sending, Michael Collins, het alleen in die beheermodule van die ruimtetuig in 'n wentelbaan om die maan gevlieg, totdat Armstrong en Aldrin later na hom teruggekeer het vir hul reis terug na die Aarde.

Verloop van die sending[wysig | wysig bron]

Die Apollo-ruimtetuig is deur 'n Saturn V-vuurpyl gelanseer vanaf Kennedy Ruimtesentrum op Merritt Island, Florida, op 16 Julie 1969. Apollo 11 was die vyfde bemande sending van NASA se Apollo-program. Die Apollo-ruimtetuig het drie dele gehad: 'n bevelmodule met 'n kajuit vir die drie ruimtevaarders, en die enigste deel wat terug op die aarde geland het; 'n diensmodule, wat die bevelmodule van aandrywing, elektriese krag, suurstof en water voorsien; en 'n maanmodule vir die landing op die maan. Nadat dit na die maan gestuur is deur die Saturn V se boonste stadium het die ruimtevaarders die ruimtetuig geskei daarvan en vir drie dae gereis totdat hulle in 'n wentelbaan om die maan geplaas is. Armstrong en Aldrin het hulself toe verskuif na die maanmodule en in die Sea of Tranquility geland. Hulle het vir ongeveer 21 ½ uur op die maanoppervlak vertoef. Na die opstyg van die boonste deel van die maanmodule en herkoppeling met Collins in die bevelmodule, het hulle teruggekeer na die aarde en in die Stille Oseaan geland op 24 Julie 1969.

Details[wysig | wysig bron]

Voorafgegaan deur :
Apollo 10
Apollo-program Gevolg deur :
Apollo 12

Trivia[wysig | wysig bron]

Pratley Putty is gebruik om sekere dele van die Eagle-maanlandingstuig van die Apollo 11-sending aan mekaar te hou.


Hierdie artikel is in sy geheel of gedeeltelik vanuit die Engelse Wikipedia vertaal.