Mesa

Mesas in Utah bekend as die "Eilande in die Lug".

Tafelberg, Suid-Afrika se bekendste mesa.

’n Mesa (Spaans en Portugees vir "tafel") is ’n heuwel, plato of berg met ’n plat bokant en gewoonlik steil kranse. Die naam kom van die tafelvormige eienskap daarvan. Dit word ook ’n tafelkop of tafelberg genoem.

’n Mesa kom gewoonlik in droë omgewings voor, soos in die weste en suidweste van die Verenigde State van Amerika, en bergstreke van Washington en Kalifornië tot Noord- en Suid-Dakota, Wyoming, Utah, Oklahoma en Texas. Voorbeelde word ook in ander lande en streke aangetref, soos Suid-Afrika, Spanje, Sardinië, Arabië, Indië en Australië.

Tafelberg in Kaapstad is ’n bekende mesa in Suid-Afrika. Grand Mesa is ’n groot mesa in Wes-Colorado in die VSA. Cerro Negro is ’n mesa in Argentinië.

Eksterne skakels

• Wikimedia Commons het meer media in die kategorie Mesa.
• Hierdie artikel is vertaal uit die Engelse Wikipedia