ATKV Eiland Spa

in Wikipedia, die vrye ensiklopedie
Jump to navigation Jump to search

ATKV Eiland Spa is 'n vakansieoord 68 km oos van Tzaneen in die hartjie van die Hans Merensky-natuurreservaat.

Die oord lê op die suidelike oewer van die Letabarivier in die Limpopoprovinsie en word sedert 2009 deur die ATKV besit en bestuur. Eiland Spa spog heeljaar met warm, sonnige weer met uiteenlopende natuurskoon, soos die mak wildsbokkies wat op die grasperk wei. Dit beskik oor kampeerplek en 'n groot aantal chaleteenhede, asook 'n restaurant, konferensiegeriewe, twee verhitte swembaddens en ’n helende hidrospa.

Die Letsitele-omgewing suid van Eiland Spa is bekend vir 'n groot verskeidenheid vars vrugte wat dwarsdeur die jaar by padstalletjies beskikbaar is.

Koördinate: 23°39′22″S 30°40′15″O / 23.65623°S 30.67087°O / -23.65623; 30.67087