Aarhus

Aarhus Århus Europese Kultuurhoofstad 2017 Europæisk kulturhovedstad 2017
Kaart	Wapen
	Seël
Land	Denemarke
Administratiewe streek	Midtjylland
Koördinate	56°09′N 10°13′O
Stigting	8de eeu
Stadstatus	15de eeu
Oppervlakte:
- Totaal	99,4 vk km
Hoogte bo seevlak	0–105 m
Bevolking:
- Totaal (1 Januarie 2025)	301 049
- Bevolkingsdigtheid	2 975/vk km
- Stedelike gebied	373 388
Tydsone	UTC +1 (MET)
- Somertyd	UTC +2 (MEST)
Klimaat
- Tipe	Gematigde seeklimaat
- Gemiddelde jaarlikse temperatuur	8,6 °C
- Gem. temp. Januarie/Julie	1,3 / 16,8 °C
- Gemiddelde jaarlikse neerslae	674,1 mm
Burgemeester	Anders Winnerskjold (A)
Amptelike webwerf	aarhus.dk

Aarhus (Deens: [ˈɒːˌhuˀs], ), van 1948 tot 1 Januarie 2011 amptelik Århus, is die tweede grootste stad van Denemarke ná die hoofstad Kopenhagen met 'n oppervlakte van 99,4 vierkante kilometer en 'n bevolking van 301 049 (soos op 1 Januarie 2025). Dit lê aan die ooskus van Jutland langs die Kattegat sowat 187 km noordwes van Kopenhagen en is die grootste stad op die Deense vasteland. Aarhus is die grootste stad van die administratiewe streek Midtjylland, maar nie die hoofstad nie; dit is Viborg.

Die domkerk van Aarhus

Aarhus het ontstaan uit 'n Wikingnedersetting aan die rivier Aarhus Å se monding in die Kattegat, waarvandaan die ou stadsnaam Aros ontleen is, wat "die monding van die stroom" beteken. In 948 is vir die eerste keer na Aarhus as 'n biskopsetel verwys en dit het gedurende die Middeleeue in 'n bloeiende seehandelsstad ontwikkel. Ná die ekonomiese agteruitgang as gevolg van die Dertigjarige Oorlog kon Aarhus eers in die 19de eeue met die beginnende industrialisasie en die uitbreiding van die hawe herstel. As 'n belangrike knooppunt vir pad- en spoorwegvervoer het die stad die ekonomiese sentrum van Jutland geword en beskik deesdae oor veelsydige nywerhede. Die seehawe Aarhus Havn is die grootste houerterminaal in Denemarke.

Saam met Paphos in Siprus is Aarhus aangewys as die Europese Kultuurhoofstad van die jaar 2017. Die domkerk van Aarhus is van die bekendste besienswaardighede en behoort aan die Deense Volkskerk. Die kerkskip is met 'n lengte van 93 m die langste in Denemarke en die kerktoring is met 'n hoogte van 96 m ook die hoogste in Denemarke.

Eksterne skakels

• Wikimedia Commons het meer media in die kategorie Aarhus.
• (en) Toerisme-inligting oor Aarhus op Wikivoyage
• (da) Amptelike webwerf
• (en) "Århus". Encyclopædia Britannica. Besoek op 26 April 2026.