Aaron Berman
Sy Edele maj. Aaron Zalman Berman (Litaue, 28 Februarie 1893 – September 1975)[1] was ’n Suid-Afrikaanse senator en sakeman van Litaus-Joodse herkoms, wat ook diens as majoor in die Imperiale sowel as Unie-verdedigingsmag gedoen het.
Berman was die seun van S. Berman. Hy het sy opleiding aan die Universiteit van Berlyn ontvang. Hy was (blykbaar in Suid-Afrika) ’n beëdigde waardeerder, ’n beëdigde vertaler in talle tale in die hooggeregshof en lid van die Kaapse stadsraad sedert 1932 en voorsitter van die finansiële komitee sedert 1951. In 1947 is hy verkies tot VP-lid van die provinsiale raad vir Kaapstad-Kasteel, maar van 1959 af het hy Groenpunt verteenwoordig. In 1955 het hy adjunkleier van die VP in die provinsiale raad geword en in 1959 leier. In 1960 het hy senator geword.
Berman is op 23 Augustus 1920 getroud met Sarah Jane, dogter van C. Prisman. Een seun en twee dogters is uit hul huwelik gebore. Sy belangstellings van burgerlike aangeleenthede en die politiek. In die vroeë jare sestig het die egpaar by Bo-Oranjestraat 69, Oranjezicht, gewoon.
Verwysings
[wysig | wysig bron]Bronne
[wysig | wysig bron]- (af) (en) Kruger, dr. D.F. 1963. Wie is wie in Suid-Afrika. Johannesburg: Vitae Uitgewers.