Abhisit Vejjajiva

Abhisit Vejjajiva (2010)

Abhisit Vejjajiva (Thai: อภิสิทธิ์ เวชชาชีวะ; gebore 3 Augustus 1964) is Thaise politikus wat van 2008 tot 2011 die Eerste Minister van Thailand was. Hy was 'n voormalige universiteitsdosent aan Chulachomklao Koninklike Militêre Akademie, Thammasat-universiteit, Universiteit van Oxford en was die leier van die Demokratiese Party vanaf 2005 tot hy het bedank ná die swak prestasie van die party in die verkiesing in 2019. As leier van die tweede grootste party in die Huis van Verteenwoordigers, was hy ook leier van die opposisie - 'n posisie wat hy beklee het vanaf Desember 2008 tot sy party se massiewe bedanking uit die Huis op 8 Desember 2013. In dieselfde maand is hy formeel aangekla met moord as gevolg van 'n onderdrukking van betogers in 2010 wat tot 90 sterftes aanleiding gegee het.

Abhisit, gebore in Engeland, die Verenigde Koninkryk, het aan Eton-kollege skoolgegaan en 'n baccalaureus- en meestersgraad aan die Universiteit van Oxford behaal. Hy is op 27-jarige ouderdom tot die parlement van Thailand verkies en in 2005 tot leier van die Demokratiese Party bevorder, nadat sy voorganger bedank het ná die nederlaag van die party in die algemene verkiesing in 2005.

Abhisit is op 17 Desember 2008 as Premier van Thailand aangestel, nadat die konstitusionele hof van Thailand Premier Somchai Wongsawat uit sy amp onthef het. Op 44-jarige ouderdom was hy die land se jongste Premier in meer as 60 jaar.

Abhisit het Premier geword in 'n tyd van wêreldwye ekonomiese onstabiliteit en toenemende politieke binnelandse spanning. As Premier het hy 'n 'Volksagenda' bevorder, wat hoofsaaklik gefokus was op beleid wat die lewensomstandighede van die plattelanders en die werkersklas van Thailand beïnvloed het. Hy het twee ekonomiese stimuluspakkette geadministreer: 'n 40 miljard VSA $ driejaar infrastruktuurplan en 'n program vir meer as VSA $ 3 miljard vir kontantsubsidies en toelaes. Teen 2010 het die aandelemark en die waarde van die baht gestyg tot hul hoogste vlakke sedert die Asiatiese finansiële krisis in 1997. Die menseregte kommissie noem Vejjajiva "die produktiefste implementeerder van sensuur in die onlangse Thaise geskiedenis" en Freedom House het Thailand se gradering van mediavryheid afgegradeer tot 'nie vry nie'. Abhisit het ook sterker teenkorrupsie-maatreëls voorgestaan, hoewel verskeie lede van sy kabinet bedank het weens korrupsieskandale en dele van sy ekonomiese stimuluspakkette gekritiseer is weens gevalle van beweerde korrupsie.

Die regering van Abhisit het in April 2009 en April-Mei 2010 groot betogings teengestaan. Abhisit het 'n versoeningsplan van stapel gestuur om die ondergang te ondersoek, maar die werk van die ondersoekkommissie is belemmer deur militêre en regeringsinstansies. Die Thai-leër het van 2009 tot 2010 verskeie kere met die Kambodjaanse troepe bots in die bloedigste gevegte in meer as twee dekades. Die opstand in Suid-Thailand het tydens Abhisit se regering ge-eskaleer, en berigte van marteling en menseregteskendings het toegeneem.

Nadat hy die partyleierskap bedank het ná die nederlaag wat die Demokrate in die parlementsverkiesing van 2011 gely het, is Abhisit herkies as leier op 'n partyvergadering.

In 2018 het die Demokrate 'n verkiesingstryd gehou vir die partyleier ter voorbereiding op die komende verkiesing. Abhisit is herkies as partyleier en het die voormalige leier van die PDRC, Warong Dechgitvigrom, met ongeveer 10 000 stemme geklop. Na 'n swak vertoning in die verkiesing in 2019 het Abhisit egter as partyleier bedank.

Eksterne skakels

• Wikimedia Commons het meer media in die kategorie Abhisit Vejjajiva.