Achelata

in Wikipedia, die vrye ensiklopedie
Jump to navigation Jump to search
Stekelrige krewe
Wetenskaplike klassifikasie
Koninkryk: Animalia
Filum: Arthropoda
Subfilum: Crustacea
Klas: Malacostraca
Orde: Decapoda
Suborde: Pleocyemata
Infraorde: Achelata
Scholtz & Richter, 1995
Families

Achelata (Stekelkrewe) is 'n infraorde wat behoort tot die orde Decapoda. 'n Kenmerk van dié infraorde is dat geeneen van hul bene oor knypers beskik nie. Die kop en toraks (nekarea) is vas aan mekaar en word bedek met 'n harde karapaks. Almal het twee stelle antennas, waarvan een paar buitegewoon lank en vergroot aan die basis is. Die pens- en stertarea is breed en eindig in 'n goed ontwikkelde waaier. Achelata's het vyf pare bene om mee te loop, en wanneer hulle bedreig voel swem hulle agteruit deur die stert op te rol en weer af te rol. Potensiële aanvallers word afgeweer deur 'n basagtige klank wat die dier opwek deur die antennas teen die lyf te vryf. Die wyfie dra die eiers onder haar lyf.

In Suidelike Afrika word in Engels na die groep verwys as Crayfish terwyl die res van die wêreld dit Spiny lobsters noem.

Bron[wysig | wysig bron]

  • The Reef Guide: Fishes, corals, nudibranchs & other invertebrates: East & South Coasts of Southern Africa, deur Dennis King & Valda Fraser, Struik Nature, 2014. ISBN 978-1-77584-018-3