Alain-Fournier
Henri-Alban Fournier | |
|---|---|
 Fournier in 1905 | |
| Gebore | Henri-Alban Fournier 3 Oktober 1886 La Chapelle-d'Angillon, Berry, Frankryk |
| Sterf | 22 September 1914 (op 27) naby Vaux-lès-Palameix, Lotaringe, Frankryk |
| Nasionaliteit | Frans |
| Beroep | Romansier, kritikus en soldaat |
Alain-Fournier (3 Oktober 1886, La Chapelle-d'Angillon - 22 September 1914, Les Éparges) is die skuilnaam vir die Franse skrywer Henri-Alban Fournier.
Fournier is gebore uit 'n familie van onderwysers. Hy is deur sy vader onderrig in die dorpskool Épineuil-le-Fleuriel (Cher). As 18-jarige was hy verlief op Yvonne Quiévrecourt, maar sy het hom verwerp. Hierdie ervaring sou regdeur sy lewe 'n obsessie bly en die basis vorm vir Le Grand Meaulnes (1913), waarin hy 'n "droom- en kinderwêreld optower" wat reeds verlore is. Dit is een van die belangrikste werke in die Franse letterkunde en een van die weinig suksesvolle boeke van die simbolisme. Die boek is as 'n meesterstuk geprys en het op naelskraapse wyse die gesogte Prix Goncourt misgeloop. In 2006 is die boek verfilm deur Jean-Daniel Verhaeghe.
Afgesien van 'n aantal gedigte, essays en verhale wat gebundel is in die postuum gebundelde Miracles (1924), was dit die enigste werk wat hy sou voltooi. Hy is as luitenant opgeroep en het in die 288ste infanterieregiment gedien. Hy sterf tydens een van die eerste veldslae van die Eerste Wêreldoorlog naby Verdun. Hy is in 'n massagraf begrawe.
Na 'n 14-jarige soektog is sy liggaam uiteindelik in 1991 geïdentifiseer en in die begraafplaas van Saint-Remy-la-Calonne herbegrawe.
Sekondêre literatuur
[wysig | wysig bron]- Adam, Frédéric. Alain Fournier et ses companons d'arme. Serpenoise, 2006
- Zoest, Aart van, "Het kwaad in een lieve wereld. Over 'Le Grand Meaulnes' van Alain-Fournier t.g.v. zijn 100e verjaardag, in: BZZLLETIN 139, Oktober 1986, p. 8-19.
Werke
[wysig | wysig bron]- Le Grand Meaulnes (wisselend vertaal as "Die Wandelaar, of Die einde van jeug", "Die verlore domein", "Die verlore landgoed" óf "Die onvergeetlike Meaulnes")
- Colombe Blanchet (onvoltooide roman)
- Lettre au Petit B
- Miracles (gedigte)
Eksterne skakels
[wysig | wysig bron]
| Hierdie artikel is in sy geheel of gedeeltelik vanuit die Nederlandse Wikipedia vertaal. |
