Allosaurus

in Wikipedia, die vrye ensiklopedie
Spring na: navigasie, soek
Allosaurus
Tydperk: 155.1–150 m. jaar gelede
Laat Jura
Wetenskaplike klassifikasie
Koninkryk: Animalia
Filum: Chordata
Klas: Sauropsida
Superorde: Dinosauria
Orde: Saurischia
Suborde: Theropoda
Familie: Allosauridae
Genus: Allosaurus
(Marsh, 1877)
Spesies

A. fragilis
A. atrox
A. europaeus
A. "jimmadseni"

Allosaurus, of die allosourusse, was ’n genus groot teropode-dinosourusse wat tussen 155 miljoen en 150 miljoen jaar gelede tydens die Laat Jurapriode bestaan het.[1] Die naam beteken "ander akkedis", van die Griekse ἄλλος (allos) en σαῦρος (sauros). Omdat dit een van die eerste bekende teropodes was, trek dit lank reeds aandag buite paleontologiese kringe.

Allosaurus was ’n groot roofdier wat op twee pote geloop het. Sy kopbeen was groot en het tientalle groot, skerp tande gehad. Die dier was sowat 8,5 meter lank, hoewel stukke fossiele daarop dui dat dit dalk tot 12 m lank kon geword het. In vergelyking met die groot agterpote was die voorpote met hul drie vingers elk klein, en die dier is deur ’n lang, sterk stert gebalanseer.

Die meeste fossiele kom uit Noord-Amerika, en ’n deel uit Portugal en moontlik Tanzanië.

Verwysings[wysig | wysig bron]

  1. Turner, C.E. and Peterson, F., (1999). "Biostratigraphy of dinosaurs in the Upper Jurassic Morrison Formation of the Western Interior, U.S.A." Pp. 77–114 in Gillette, D.D. (red.), Vertebrate Paleontology in Utah. Utah Geological Survey Miscellaneous Publication 99-1.