Paleontologie

in Wikipedia, die vrye ensiklopedie
Spring na: navigasie, soek
Fossiele van koppotiges.

Paleontologie is die 'biologie' van die geologie. Dit handel oor die versteende oorblyfsels van lewensvorme of fossiele – hul ouderdom, oorsprong en klassifikasie. 'n Paleontoloog is 'n wetenskaplike wat fossiele ondersoek.

Afdelinge[wysig | wysig bron]

Bekende navorsing is om dinosourusse of hominiede op te soek. In die laaste geval word gepoog om uit te vind wie ons voorouers was. Daar is ook talle afdelinge wat minder onder die publiek bekend is, soos die ondersoek na insekte of mariene oorblyfsels. Mariene-paleontologie van groot belang, byvoorbeeld vir olieontginning. Paleontoloë soek daarom omtrent orals na fossiele.

Hominiede in Suid-Afrika[wysig | wysig bron]

Hier is 'n paar van die bekendste gebiede in Suid-Afrika waar paleontoloë hominiede gevind het:

By Sterkfontein is die Australopithecus africanus, Homo erectus en Kleinvoet gevind. By Swartkrans is die Paranthropus robustus en ook die Homo erectus gevind en by Kromdraai en die Coopers-grotte die Paranthropus robustus.

Fossiele[wysig | wysig bron]

Bene en ander dele van diere wat vir miljoene jare onder die grond begrawe was, kan hard word (verhard) om 'n tipe klip te vorm. Hierdie versteende vorm word 'n fossiel genoem. Plante kan ook in fossiele verander. Die proses waardeur die oorblyfsels na fossiele verander staan as fossilering bekend.

Lagerstätten[wysig | wysig bron]

Van die vindplase lewer fossiele van 'n uitsonderlik hoë kwaliteit op. So 'n plek word met 'n Duitse woord Lagerstätte genoem. Op hierdie plekke het omstandighede geheers waardeur die fossileringsproses baie bevorder is. Daar is soms selfs nog oorblyfsels van sagte liggaamsdele soos die vel, die vere, die hart ensomeer. Organismes wat net uit sagte weefsels bestaan soos jellievisse laat meestal geen oorblyfsels na nie, maar in 'n lagerstätte word ook hulle aangetref. Daar is slegs 'n handvol lagerstätten in die wêreld, maar hulle is uiters belangrik vir die paleontologie omdat hulle 'n blik bied op watter organismes in 'n bepaalde gebied in 'n bepaalde tyd geleef het. [1]

Van die lagerstätten is:

  • Die Ediacara Heuwels - Prekambrium van Suid-Australië
  • De Doushantuo-formasie - Prekambrium van Guizhou, China
  • Chenjiang -Kambrium van Yunnan, China
  • Burgess-skalie - Kambrium, British Columbia, Canada
  • Rhynie - Devoon van Skotland
  • Solnhofen - Jura van Beiere, Duits;ans
  • Yixian - Kryt van Liaoning, China
  • Santana-formasie - Kryt van Brasilië
  • Messel - Eoseen, Hessen, Duitsland
  • La Brea - Pleistoseen van Kalifornië, VSA
  • Die Burgess-skalie

Kyk ook[wysig | wysig bron]

Verwysing[wysig | wysig bron]