André Arendse
| Persoonlike inligting | |||
|---|---|---|---|
| Gebore | 27 Junie 1967 | ||
| Geboorteplek | Kaapstad, Suid-Afrika | ||
| Lengte | 1.91 m | ||
| Speelposisie | Doelwagter | ||
| Jeugloopbaan | |||
| Vasco da Gama | |||
| Seniorloopbaan* | |||
| Jare | Span | Kere† | (Doele)† |
| 1991–1998 | Cape Town Spurs | 187 | (0) |
| 1992 | → Santos (leen) | 38 | (0) |
| 1998–2000 | Fulham | 12 | (0) |
| 2000 | Oxford United | 11 | (0) |
| 2000–2003 | Santos | 101 | (0) |
| 2003–2005 | Mamelodi Sundowns | 45 | (0) |
| 2005–2009 | Supersport United | 40 | (0) |
| 2013 | Bidvest Wits | 2 | (0) |
| Totaal | 436 | (0) | |
| Nasionale span | |||
| 1995–2004 | Suid-Afrika | 67 | (0) |
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
André Arendse (1967-) is 'n voormalige doelwagter van die Suid-Afrikaanse nasionale sokkerspan. Sy eersterangse loopbaan strek oor 14 seisoene (1991–2004) en hy verteenwoordig sy land in 67 internasionale wedstryde (1995–2004). Omdat al Bidvest Wits se doelwagters beseer was, speel hy in 2013 in die Premier Sokkerliga (PSL) en word hy op 46 die oudste speler nóg in dié liga.[1]
Arendse maak sy debuut in 1991 vir die Cape Town Spurs in die destydse NSL (Nasionale Sokkerliga). In 1992 speel hy as leenspeler vir Santos Kaapstad. Hy het later professionele sokker vir Oxford United, Fulham (beide in Engeland), Santos, Mamelodi Sundowns en Supersport United gespeel.
Hy staak se sokkerloopbaan in 2009 nadat hy (as 'n lid van SuperSport United) die Premier-sokkerliga wen. In Mei 2013 keer hy tot die spel terg, om Bidvest Wits met 'n noodsituasie te help. Die klub se doelwagters (Steven Hoffman, Jackson Mabokgwane, Emile Baron en Ryan Harrison) was almal beseer. Dit maak hom die oudste speler in PSL-geskiedenis, en oortref hy Bruce Grobbelaar se vorige rekord.[2]
Arendse maak sy internasionale debuut in 1995 en het 67 keer vir Suid-Afrika uitgedraf. Hy was aanvanklik in die groep vir die FIFA Sokker-Wêreldbekertoernooi in 1998, maar moes as gevolg van 'n besering onttrek. Sy plaasvervanger, Paul Evans, het ook weens beserings onttrek en is deur Simon Gopane vervang. Hy het later aan die FIFA Sokker-Wêreldbekertoernooi in 2002 deelgeneem, en tree in 2004 uit internasionale sokker uit. Hy was ook deel van die span wat die Afrikanasiesbeker in 1996 gewen het.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "argiefkopie". Geargiveer vanaf die oorspronklike op 1 Februarie 2014. Besoek op 20 Maart 2016.