Annubar
'n Annubar is 'n meetinstrument wat gebruik word om die vloei van gas, stoom, of vloeistof in 'n pyp te meet. Dit werk op dieselfde beginsel as 'n pitotbuis, maar 'n annubar het 'n beter akkuraatheid as 'n enkelpunt pitotbuis omdat dit die snelheid in die pyp op verskillende plekke neem en daarom die gemiddelde snelheid in die pyp bepaal. (Onthou dat die snelheid van die vloeier in 'n pyp die hoogste is in die middel van die pyp en die laagste aan die wande van die pyp.)
Die pitotbuis meet die verskil tussen die statiese druk en die vloeiende druk van die vloeier in die pyp. Die snelheid in die pyp word met behulp van die Bernoulli-beginsel bepaal en met inagneming van die pyp se deursnee kan die volumetriese vloeitempo bepaal word.
Die grootste verskil tussen 'n annubar en 'n pitotbuis is dat 'n annubar verskeie monsters oor die diameter van 'n pyp of buis neem teenoor die pitotbuis wat dit slegs op ‘n enkele punt neem. Op hierdie manier neem dit die gemiddelde drukverskil in ag vir variasies in vloei oor die pypseksie. 'n Pitotbuis sal 'n soortgelyke lesing as a annubar gee mits die punt van die annubar geleë is op 'n punt in die pypdeursnit waar die vloeisnelheid baie naby aan die gemiddelde snelheid is.
Kyk ook[wysig | wysig bron]
- Pitotbuis
- How Pitot Tube Flowmeters Work
- Vloeimeetskyf
- Spuitstuk
- Bernoullibeginsel
- Venturi-effek
- Pypvloei
