Venturi-effek

Die venturi-effek is 'n verlaging in druk wanneer die vloeier deur 'n vernouing vloei. Die verlaging word beskryf volgens die Bernoullibeginsel:

${v^{2} \over 2}+gh+{P \over \rho }=\mathrm {konstant}$

Vloeimeting

Venturi-opstelling om vloei in 'n pyp te meet. Die temperatuur word benodig om die digtheid te bepaal.

Die venturi-effek kan gebruik word om die vloei van vloeiers te bepaal. Dit word gedoen deur 'n massa- en energiebalans tussen punt 1 en punt 2 te doen volgens die tekening aan die regterkant:

Energiebalans

Volgens die Bernoullibeginsel is:

${v^{2} \over 2}+gh+{P \over \rho }=\mathrm {konstant}$

${v_{1}^{2} \over 2}+gh_{1}+{P_{1} \over \rho _{1}}={v_{1}^{2} \over 2}+gh_{2}+{P_{2} \over \rho _{2}}$

Massabalans

$W_{1}=W_{2}$            Indien $W=\rho V$, dan:

$\rho _{1}V_{1}=\rho _{2}V_{2}$            Indien $V=vA$, dan:

$\rho _{1}v_{1}A_{1}=\rho _{2}v_{2}A_{2}$            Indien $A={\frac {\pi }{4}}D$, dan:

$\rho _{1}v_{1}D_{1}=\rho _{2}v_{2}D_{2}$

Nou is daar twee vergelykings om die twee onbekendes, $v_{1}$ en $v_{2}$ op te los.

Waar:

Veranderlike	Beskrywing	Kommentaar
$W$	Massavloei	Nie in finale vergelykings nie.
$V$	Volumevloei	Nie in finale vergelykings nie.
$P$	Druk	Bekend. Dit word gemeet.
$g$	Swaartekragversnelling	9.81 m/s2
$h$	Hoogte	h1 = h2 en kanselleer daarom uit.
$\rho$	Digtheid	Bekend. 'n Funksie van druk en temperatuur.
$A$	Pyp deursnitarea	Bekend
$D$	Pyp binnediameter	Bekend
$v$	Snelheid	Onbekend. Word bereken deur die twee vergelykings gelyktydig op te los.

Kyk ook

• Bernoullibeginsel
• Vloeimeetskyf
• Spuitstuk
• Annubar
• Pitotbuis
• Pypvloei

Eksterne skakels

• Wikimedia Commons het meer media in die kategorie Venturi-effek.