Apollodorus van Gela
Apollodorus van Gela (Grieks: Ἀπολλόδωρος ὁ Γελῷος), Magna Graecia, in Sisilië was 'n dramaturg van die nuwe-komedie. Volgens Eudokia Makrembolitissa en die Suda was hy 'n tydgenoot van Menander, en derhalwe het hy tussen 340 en 290 v.C. geleef.
Beide die Suda en Eudokia skryf sewe komedies aan hom toe, waarvan hulle die titels gee. Maar terwyl die redakteure van die Suda die werke toeskryf aan Apollodorus van Gela,[1] skryf hulle een van hierdie komedies in 'n ander passasie toe aan Apollodorus van Carystus.[2] Ander skrywers verwar ook dikwels die twee komiese digters.[3]
Oorblywende titels en fragmente[wysig | wysig bron]
- Aischrion ("Aeschrion")
- Apoleipousa ("Die Vrou Wat Padgee")
- Grammateidiopoios ("Maker van skryftablette")
- Deusopoios ("Die Kleredroogster")
- Sisyphus ("Sisyphus")
- Philadelphoi ("Man Met Broederliefde") of Apokarteron ("Man wat Homself Uithonger")
- Pseudaias ("Die Valse Ajax")
Benewens die gemelde sewe toneelstukke, is daar nege ander titels (en gepaardgaande fragmente) wat deur die antieke owerhede aan "Apollodorus" toegeskryf word, sonder om te spesifiseer of dit deur Apollodorus van Carystus of Apollodorus van Gela geskryf is. Hulle is as volg:
- Adelphoi ("Broers")
- Aphanizomenos ("Die Man wat Verdwyn")
- Galatai ("Die Galasiërs")
- Diamartanon ("Die Man Wat Heeltemal Misluk")
- Kitharodos ("Die Kitharode")
- Lakaina ("Die Lakoniese Vrou")
- Paidion ("Die Klein Kind")
- Paralogizomenoi ("Die Bekoorlike Mans")
- Synepheboi ("Mense Wat Saam Adolessente Was")
