ArcelorMittal Orbit

in Wikipedia, die vrye ensiklopedie
Spring na: navigasie, soek
Die ArcelorMittal Orbit.

Die ArcelorMittal Orbit is 'n oriëntasiepunt en 'n 114,5 m hoë uitkyktoring in die Olimpiese Park in Stratford, Londen. Die toring is op 11 Mei 2012 ingehuldig, voor die aanvang van die Londense Olimpiese Somerspele 2012.

Die staal-struktuur is die grootste kunswerk in die publieke ruimte van die Verenigde Koninkryk. Dit is ontwerp as permanente en blywende herinnering aan die ligging van Londen as gasheer van die Olimpiese Spele. Die toring is geleë tussen die Olimpiese Stadion en die London Aquatics Centre.

Die toring is deur Anish Kapoor en Cecil Balmond ontwerp. Die idee vir die konstruksie is op 31 Maart 2010 aan die publiek bekendgemaak na seleksie deur 'n nege stuk adviserende wedstryd-paneel. Die volg nadat die burgemeester van Londen, Boris Johnson en die Olimpiese Minister, Tessa Jowell in 2008 besluit het dat die park ietsie ekstra kort en ontwerpers versoek het om voorstelle vir 'n oriëntasiepunt in te dien.

Die toring beskik oor twee uitkykplatforms, elk met 'n kapasiteit van 150 persone van waar die publiek oor die hele park en tot 30 km oor Londen kan uitkyk. Twee huisbakke verleen toegang tot die platforms, elk met 'n kapasiteit van 21 persone. Daarnewens is toegang ook moontlik met 'n wenteltrap van 455 tree. Die konstruksie is gebou met 2 000 ton staal, waarvan 63% gehersirkuleerde skrootstaal is. Verder is 35 000 boute en 19 000 liter verf gebruik. As die die struktuur uitgerol kon word, sou dit 'n totale lengte van 560 m hê.

Die toring het 22,7 miljoen Britse pond gekos, waarvan die metaalmagnaat Lakshmi Mittal 19,6 miljoen pond gefinansier het. Hiermee het hy die maatskappy waarvan hy die voorsitter is, ArcelorMittal, se naam aan die toring gekoppel.

Tydens die Olimpiese Spele sal die toring, met 'n toegangsprys van 15 pond, vir die publiek toeganklik wees. Na die omskakeling van die park sal die toring vanaf 2014 permanent vir besoekers oopgestel word.

Die London Aquatics Centre (links), ArcelorMittal Orbit (middel), Olimpiese Stadion (regs agter) en die Water Polo Arena (regs voor).

Koördinate: 51°32′18.27″N 0°0′48.05″W

Commons-logo.svg
Wikimedia Commons het meer media verwant aan: