Argentinosaurus

in Wikipedia, die vrye ensiklopedie
Jump to navigation Jump to search
’n Gerekonstrueerde skelet om Argentinosaurus se beweeglikheid te toets.
Argentinosaurus
Tydperk: Laat Kryt 97–94 m. jaar gelede
’n Gerestoureerde skelet (Naturmuseum Senckenberg).
Wetenskaplike klassifikasie
Koninkryk: Animalia
Filum: Chordata
Klas: Reptilia
Superorde: Dinosauria
Orde: Saurischia
Suborde: Sauropodomorpha
Superfamilie: Sauropoda
Familie: Titanosauridae
Genus: Argentinosaurus
(Bonaparte & Coria, 1993)
Binomiale naam
Argentinosaurus huinculensis
’n Diagram wat die grootste bekende souropodes vergelyk met die mens.
Argentinosaurus
Kladistiese klassifikasie
Koninkryk: Animalia
Filum: Chordata
Klade: Dinosauria
Suborde: Sauropodomorpha
Klade: Titanosauria
Klade: Lithostrotia
Familie: Antarctosauridae
Genus: Argentinosaurus
(Bonaparte & Coria, 1993)

Argentinosaurus ("Argentynse akkedis")[1] was ’n genus souropode-dinosourusse wat eerste deur Guillermo Heredia in Argentinië ontdek is. Die dier het op die destydse eilandkontinent Suid-Amerika voorgekom, iewers tussen 97 en 94 miljoen jaar gelede tydens die Laat Kryt-periode. Dit is een van die grootste bekende dinosourusse.

Ontdekking[wysig | wysig bron]

Die eerste fossiele wat as Argentinosaurus geïdentifiseer is, is in 1987 deur ’n Argentynse boer ontdek wat dit vir ’n groot stuk versteende hout aangesien het. ’n Reusagtige ruggraat is ook ontdek en was byna so lank soos ’n mens.[1] Die genus se tipe-spesie, A. huinculensis, is in 1993 deur die Argentynse palaeontoloë José F. Bonaparte en Rodolfo Coria beskryf en gepubliseer.

Beskrywing[wysig | wysig bron]

Min dele van Argentinosaurus is al ontdek. Die holotipe sluit net ’n paar rugwerwels, ribbes aan die regterkant van die heup, nog ’n deel van ’n rib en die regter-onderbeen in. Een van die werwels was 1,59 m lank en die onderbeen sowat 155 cm.[2] Ook ’n onvolledige bobeen is intussen aan die genus toegesê – dit is minstens 1,18 m lank.[3]

Die grootte van dié dele en vergelyking met ander souropodes stel wetenskaplikes in staat om die dier se grootte te raam. Dit was sowat 30–35 m lank en het omtrent 80-100 ton geweeg.[4][5] In 2013 is Argentinosaurus in ’n studie wat op 30 Oktober 2013 deur dr. Bill Sellers, Rudolfo Coria, Lee Margetts et al. gepubliseer is, digitaal herskep om sy beweeglikheid te toets. Die studie het bevind die dier het ’n maksimum spoed van 2 meter per sekonde gehad weens sy grootte en die impak op sy gewrigte.[6][7]

Verwysings[wysig | wysig bron]

  1. 1,0 1,1 (2007) The Complete Guide to Prehistoric Life. Italië: Firefly Books Ltd.. p. 118–119. ISBN 1-55407-181-X. 
  2. Bonaparte J, Coria R (1993). “Un nuevo y gigantesco sauropodo titanosaurio de la Formacion Rio Limay (Albiano-Cenomaniano) de la Provincia del Neuquen, Argentina”. Ameghiniana 30 (3): 271–282.
  3. Mazzetta, Gerardo V.; Christiansen, Per; Fariña, Richard A. (2004). “Giants and Bizarres: Body Size of Some Southern South American Cretaceous Dinosaurs” (PDF). Historical Biology 16 (2-4): 71–83. doi:10.1080/08912960410001715132. Besoek op 2008-01-08.
  4. Paul, Gregory S. (Fall 1994). "Big Sauropods – Really, Really Big Sauropods". The Dinosaur Report: 12–13, The Dinosaur Society. 
  5. Paul, Gregory S. (1997). "Dinosaur models: the good, the bad, and using them to estimate the mass of dinosaurs". Wolberg, D. L.; Stump, E.; Rosenberg, G. D. DinoFest International Proceedings: 129–154, The Academy of Natural Sciences. 
  6. Sellers, W.I.; Margetts, L.; Coria, R.A.¬B.; Manning, P.L. (2013). "March of the Titans: The Locomotor Capabilities of Sauropod Dinosaurs". In Carrier, David. PLoS ONE 8 (10): e78733.doi:10.1371/journal.pone.0078733. PMC 3864407. PMID 24348896
  7. "Argentinosaurus"