Fossiel

in Wikipedia, die vrye ensiklopedie
Spring na: navigasie, soek
Fossiel van 'n vis
Fossiel van 'n varing

'n Fossiel is die oorblyfsel van 'n dier of plant wat in sedimen­têre gesteentes behoue gebly het. Fossiele word hoofsaaklik in paleontologie en geologie bestudeer. Die fossiel kan deur die fisiese oorblyfsels van die organisme self gevorm word (liggaamsfossiele), of deur 'n indirekte bewys van die aktiwiteit van die organisme (spoorfossiele). Sommige fossiele ondergaan 'n versteningsproses. Gedurende verstening word die liggaam heeltemal of gedeeltelik tydens 'n mineraliseringsproses deur 'n harde klipagte materiaal vervang.