As You Like It

in Wikipedia, die vrye ensiklopedie
As You Like It, soos in die Eerste Folio gepubliseer.
'n Toneel uit As You Like It deur Walter Deverell, 1853.

As You Like It is 'n komedie deur William Shakespeare wat in 'n woud afspeel en oor die huwelike en avonture van twee paartjies, Rosalind en Orlando, en Celia en Oliver, handel.[1] Dit is in 1599 of vroeg 1600 geskryf.

Die toneelstuk is in die Stationer's Company (Papierwinkelvennootskap) se register bygevoeg op 4 Augustus, 1600, maar was nie in gedrukte vorm beskikbaar tot die uitgawe van die Eerste folio in 1623 nie.

Daar is geen rekord van enige opvoering voor die Engelse Restaurasie nie. Daar was egter 'n moontlike opvoering by Wilton House in Wiltshire, die setel van die Grawe van Pembroke. William Herbert, die 3e Graaf van Pembroke het James I en sy gevolg by Wilton House onthaal van Oktober tot Desember 1603. Die King's Men (Koning se manne) was £30 betaal om na Wilton House te kom en vir die koning 'n toneelstuk op te voer op 2 Desember, 1603. Volgens oorlewering van die Herbert-familie was die toneelstuk daardie aand As You Like It.[2]

Die toneelstuk is aan die King's Company (Koning se geselskap) toegewys volgens koninklike bevel in 1669. Dit was in ook verwerkte vorm by die teater in Drury Lane in 1723 opgevoer onder die titel Love in a Forest. 'n Ander opvoering by Drury Lane, 17 jaar later, het weer teruggekeer na die oorpronklike Shakespeare teks (1740).[3]

Bekende onlangse produksies van As You Like It sluit in die 1936 Old Vic Theatre opvoering, met Edith Evans in die hoofrol en die 1961 Shakespeare Memorial Theatre opvoering met Vanessa Redgrave in die hoofrol. Die langste aaneenlopende Broadway produksie was met Katharine Hepburn en Ernest Thesiger, met Michael Benthall as die regisseur. Dit het 145 opvoerings beloop in 1950.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. F. E. Halliday, A Shakespeare Companion 1564–1964, Baltimore, Penguin, 1964; bl. 531.
  3. Halliday, Shakespeare Companion, p. 40.

Eksterne skakels[wysig | wysig bron]