Vanessa Redgrave

in Wikipedia, die vrye ensiklopedie
Jump to navigation Jump to search
Vanessa Redgrave
'n Beeld van die betrokke persoonlikheid.
Redgrave in 2011 by die Berlynse Rolprentfees.

Geboorte 30 Januarie 1937 (1937-01-30) (81 jaar oud)
Aktiewe jare 1958-tans
Toekennings Orde van die Britse Ryk

Vanessa Redgrave, CBE (gebore op 30 Januarie 1937) is ’n Britse aktrise van die verhoog, rolprente en televisie, asook ’n politieke aktivis. Sy is in 2003 in die Amerikaanse teater-eresaal opgeneem[1] en het in 2010 ’n Bafta-fellow geword.[2]

Loopbaan[wysig | wysig bron]

Redgrave in 2007.

Redgrave het in 1961 bekend geword in die rol van Rosalind in As You Like It vir die Royal Shakespeare Company. Sy het sedertdien in meer as 35 West End- en Broadway-produksies opgetree; in 1984 het sy die Olivier-prys vir The Aspern Papers gewen en in 2003 die Tony vir Long Day's Journey into Night. Sy het ook Tony-benoemings gekry vir die toneelstukke The Year of Magical Thinking en Driving Miss Daisy.

Sy het verder in meer as 80 rolprente verskyn en is ses keer vir ’n Oscar benoem; sy het gewen vir die titelrol in Julia (1977). Haar ander benoemings was vir Morgan: A Suitable Case for Treatment (1966), Isadora (1968), Mary, Queen of Scots (1971), The Bostonians (1984) en Howards End (1992).

Van haar ander bekende rolle was in A Man for All Seasons (1966), Blowup (1966), Camelot (1967), The Devils (1971), Murder on the Orient Express (1974), Prick Up Your Ears (1987), Mission: Impossible (1996), Atonement (2007), Coriolanus (2011) en The Butler (2013). Sy is deur Arthur Miller en Tennessee Williams "die grootste lewende aktrise van ons tyd" genoem. Sy het talle pryse gewen: ’n Oscar, Emmy, Tony, Bafta, Olivier-prys, prys vir beste aktrise op die Cannes-rolprentfees, Golden Globe en Screen Actors Guild Award.

Sy is lid van die Redgrave-gesin van akteurs; sy is die dogter van sir Michael Redgrave en lady Redgrave (die aktrise Rachel Kempson), die suster van Lynn Redgrave en Corin Redgrave, die ma van Joely Richardson en Natasha Richardson, die tante van Jemma Redgrave en die skoonma van Liam Neeson.

Verwysings[wysig | wysig bron]

  1. "Theater honours put women in the spotlight". Pittsburgh Post-Gazette. Besoek op 5 Februarie 2014. 
  2. Vanessa Redgrave to receive Academy Fellowship”. Bafta: 21 Februarie 2010. URL besoek op 26 Augustus 2010.

Eksterne skakels[wysig | wysig bron]