Asaph Hall

in Wikipedia, die vrye ensiklopedie
Spring na: navigasie, soek
Asaph Hall
’n Beeld van die betrokke persoonlikheid.
Geboortenaam Asaph Hall III
Gebore 15 Oktober 1829
Goshen, Connecticut
Oorlede 22 November 1907
Annapolis, Maryland
Nasionaliteit Verenigde State van Amerika
Ouers Asaph Hall II
Hannah Palmer
Bekend vir Ontdek Mars se mane

Asaph Hall (1829-1907) was 'n Amerikaanse sterrekundige. Hy is bekend vir die ontdekking van Mars se mane in 1877, Phobos en Deimos. Hy het ook die bane van ander planete en dubbele sterre se satelliete bepaal en die rotasie van Saturnus en die massa van Mars bereken.

Biografie[wysig | wysig bron]

Hall is op 15 Oktober 1829 in Goshen, Connecticut in die Verenigde State van Amerika gebore. Op 13-jarige ouderdom begin hy, na die dood van sy ouers, as 'n vakleerling by 'n timmerman te werk. Hy het 'n groot passie vir wiskunde gehad. In 1856 kry hy 'n werk by die sterrewag van die Harvard-universiteit in Cambridge, Massachusetts, waar hy vinnig as 'n kenner in die berekening van die wentelbane van hemelliggame bekend raak.

In 1862 word Hall 'n assistent-sterrekundige aan die U.S. Naval Observatory in Washington DC, waar hy binne 'n jaar na sy aankoms as professor aangestel is. In 1875 word die 66-cm Great Equatorial Refracting Telescope onder sy verantwoordelikheid geplaas. Dit was die grootste teleskoop van sy soort in daai tyd gewees.

In 1884 bewys hy dat die elliptiese baan van Hyperion, 'n maan van Saturnus, 'n "afwyking" van +-20° per jaar toon.

Hall se goue medalje.

Hy ontvang 'n goue medalje van die Royal Astronomical Society van Groot Brittanje in 1879, asook verskeie ander toekennings oor sy lewe.

Hall is op 22 November 1907 in Annapolis, Maryland oorlede. Die Hall-krater op die maan is na hom vernoem.

Eksterne skakels[wysig | wysig bron]