1907

Die jaar 1907 was 'n gewone jaar wat volgens die Gregoriaanse kalender op 'n Dinsdag begin het. Dit was die 7de jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 6 Januarie – Maria Montessori open haar eerste skool en dagsorgsentrum vir werkersklaskinders in Rome.
• 16 November – Oklahoma word die 46ste deelstaat van die Verenigde State.
• 19 Desember – 'n Ontploffing in 'n steenkoolmyn in Jacobs Creek in Pennsilvanië laat 239 werkers sterf.
• 22 Desember – Giacomo della Chiesa (later Pous Benedictus XV) word aartsbiskop van Bologna.
• Die Suid-Afrikaanse Wet (South African Act) wat deur die Britse regering ingestel is bepaal dat slegs persone van Europese herkoms tot die parlement verkies mag word.

Geboortes

• 7 Februarie – Danie Bosman, Afrikaanse komponis van ligte liedjies († 1946).
• 15 Maart – Zarah Leander, 'n Sweedse aktrise en sangeres († 1981).
• 8 Mei – J.J.G. Grobbelaar, Suid-Afrikaanse inspekteur van onderwys en skrywer van jeuglektuur († 1974).
• 12 Mei – Katharine Hepburn, Amerikaanse aktrise († 2003).
• 13 Mei – Dame Daphne du Maurier, Britse outeur († 1989)
• 22 Mei – Heer Laurence Olivier, Britse akteur, regisseur († 1989)
• 23 Mei – Hergé, die skepper van die Kuifie reeks kinderstories († 1983)
• 27 Mei – Rachel Carson, Amerikaanse bioloog († 1964).
• 7 Julie – Frederik Burgers, Suid-Afrikaanse vermaakkunstenaar, radio- en rolprentpersoonlikheid en orrelis. († 1967).
• 26 Julie – Dr. Louis Viljoen Rex, predikant in die Nederduitse Gereformeerde Kerk († 1959).
• 30 Julie – Anna Amelia Obermeyer, 'n Suid-Afrikaanse plantkundige († 2001).
• 31 Augustus – Ramon Magsaysay, Filippynse politikus en president († 1957).
• 12 September – Prof. F.V. Lategan, Afrikaanse literator en vuurwapenkenner († 1998).
• 23 Oktober – Karl Kielblock, 'n Afrikaanse skrywer († 1991).
• 14 November – Astrid Lindgren, Sweedse skrywer wat onder andere ook Pippi Langkous geskryf het († 2002).
• 5 Desember – Lin Biao, Chinese maarskalk en politikus († 1971).
• 15 Desember – Oscar Niemeyer, Brasiliaanse argitek († 2012).
• 21 Desember – Garmt Stuiveling, Nederlandse digter († 1985).

Sterftes

• 31 Januarie – Timothy Eaton, Kanadese entrepreneur (* 1834).
• 2 Februarie – Dmitri Mendelejef, Russiese chemikus (* 1834).
• 5 Augustus – Gentil Theodoor Antheunis, Vlaamse digter (* 1840).
• 4 September – Edvard Grieg, Noorse komponis (* 1843).
• Sir William Henry Perkin, Britse chemikus (* 1838).