Assirië (seun van Sem)

in Wikipedia, die vrye ensiklopedie

Assirië (Hebreeus: אַשּׁוּר; Asjsjoer) was die tweede oudste seun van Sem en dus die kleinseun van Noag. Assirië se broers was Elam, Arpaksad, Lud en Aram.

Die Hebreeuse teks van Genesis 10:10 & 11 is effens dubbelsinnig oor of dit Assirië self (soos in sommige vertalings) of Nimrod (soos in ander vertalings) is wat die Assiriese stede Nineve, Resen, Regobot-Ir en Kalag laat bou het, want die Hebreeuse (en Afrikaanse) naam kan na die persoon of die land verwys (Genesis 10:8–12|9).[1] In die Afrikaanse Bybel word Nimrod genoem as die bouer van dié stede.

Die 1ste-eeuse historikus Flavius Josephus meen: "Assirië het in die stad Nineve gewoon en sy onderdane Assiriërs genoem; hulle het die gelukkigste nasie geword" (Ou Geskiedenis van die Jode, i, vi, 4).

Assirië die seun van Sem word soms vergelyk met die god Assur, vir wie ’n tempel in die 21ste eeu v.C. in die stad Assur opgerig is deur die vroeë Assiriese koning Uspia. Die stad en nasie is heel waarskynlik na dié god genoem.[2]

Verwysings[wysig | wysig bron]

  1. Samuel Shuckford; James Talboys Wheeler (1858), The sacred and profane history of the world connected, Vol.1, pp. 106–107, http://books.google.com/books?id=8zV9AAAAMAAJ&pg=PA106 
  2. Georges Roux - Ancient Iraq

Bronne[wysig | wysig bron]